හරක් මස් කෑවම පව්, එතකොට මෝර මාළු කන එක පින් ද ?

Posted on July 30, 2011. Filed under: කාලින | Tags: , , , , , , , , , , , , , , , , , , , , , , , , , , , , , , , , , , , , |

මිනිහෙක් වුනාම ජිවිතේ අරමුණු තියෙනවා.තමන් කැමති අකමැති දේවල් තියෙනවා.කරන්න ඕන ,එපා දේවල් තියෙනවා.මේ හැමදෙයක්ම එකතු වෙලා තමයි මිනිසා කියන අධ්‍යත්මකය බිහි වෙන්නේ.ඔහු තුල හොද සේම නරකත් තියෙනවා.සමහරු කපටියි,සමහරු පෙරේතයි,සමහරු වනචරයි,සමහරු දක්ෂයි,සමහරු හරිම හොදයි,සමහරු නරකයි,හැම හොද කෙනෙක් ලගම නරක චුට්ටක් හරි තියෙනවා.ඒ නිසා මේ ලෝකේ 100% හොද මිනිස්සු බිහි වෙලා නැහැ.නමුත් මේ සමාජය ය දගලන්නේ සර්ව සම්පුර්න හොද අය වගේ සමාජය ඉදිරියට පෙනී ඉන්න.එක කරන්න බැරි දෙයක්.

මේ ලදී හරි අපුරු කතාවක් යනවා.රුපවාහිනියේ ජාතික නාලිකාවක, හරක් මරන්න එපාලු.. කිරි දුන් මවක්සේ,දිරි දුන් පියෙකු සේ,ජාතියට උරදුන් හරකා රැක ගනිමුලු. ඝව මස් කෑමෙන් වැළකිලා,ඝව ඝාතනයට විරුද්ධ වෙන්නලු.අපි හරකා මරනකොට හරකව මසට මරනවා කියල අපි දන්නවද කියලත් අහනවා.එක හොද ක්‍රියාවක්.

නමුත් හරක් මස් කරනකොට හරකා මරණ බව හරි.එතකොට මෝර මාළු කනකොට මෝරව මරන්න එපැයි.කුකුල් මස් කන්න කුකුලව මරන්න එපැයි.වැඩිය ඕන නැහැ හාල්මැස්සෙක් හරි මරන්න එපැයි බැදුමක් කන්න. දැන් එතකොට කුකුළා මරනවට වඩා පව්ද හරකා මැරුවම හරකා විතරක් නොමරා අනික් උන්ව මැරුවම පින් සිද්ධ වෙනවද?
එක ජිවිතයක් මැරුවම අපි නිකමට හිතමු පව් මනින ඒකකයෙන් මන්නම 1 යි කියල.දෙන්නෙක් මැරුවම 2 යි කියල.එතකොට මිනිසුන්ට කන්න කියල එක හරකෙක් මැරුවොත් ඒ හරක් මස් ටික කනවා අඩුම තරමින් පවුල් 100 වත්,එක හරකයි මරන්නේ,එත් පවුල් 100 කට කුකුල් මස් දෙන්න කුකුල්ලු මරන්න ඕන 100 ක්.එතකොට අර ඒකකයෙන් මැන්නම පව් 100 යි.එහෙම බැලුවම හරක් මස් කන එකට වඩා කුකුල් මස් කන එක පව්.හාල් මැස්සෝ කන එක ඊට වඩා පව්.
එතකොට මේ මාධ්‍ය හරකට විතරක් මේ තරම් love ඇයි ? මට හරි ප්‍රශ්නේ ඕක.මගේ කිරි දුන්න අම්මා නම්,අපේ අම්මා.ඔය කියන මාධ්‍ය ආයතනවල අයට කිරි දුන්නේ හරකා කියල එයාලම කියන නිසා අපි පිලිගනිමුකෝ.එක වෙනම කතාවක්.

නමුත් ගැටලුව තියෙන්නේ බොරු සත්ව කරුණාවක් පෙන්වන්නේ ඇයි කියල.බුද්ධිමත්ව හිතන ඕනෑම කෙනෙක් දන්නවා,කොයි සතා මරණ එකත් පව්.
ඔබ කඩේට ගිහින් මාළු ග්‍රෑම් 500 ක් ඉල්ලද්දී ඒ පණ පිටින් උන්න මාළුවෙක්ය කියල නොදැනද කන්නේ ? අපි බබාලාද ?

ඉතින් හිගක් අය ඔහොමයි. අපි බබාලා කියල හිතාගෙන එයාල ලග නැති ඒවා තියෙනවා කියල අපිට කියනවා.උන් කියනවා අපි අහනවා.
මේකයි.මිනී මර මරා හෙන සත්ව කරුණාව තියෙන මිනිසෙක් වෙන්න බෑ.කුපාඩිකම් කර කර ශ්‍රද්ධවන්තයෙක් වෙන්න බෑ.ඔබ කැමති නම් කැමති දේ කරන්න, බොරු ටෝක් එපා.එක හරි කැතයි.සමහර විට ඔබ පම්පෝරි ගහන සමාජය ඔබ ගැන දන්නේ නෑ.ඒ වුනාට ඔබම දන්නවනේ ඔබ කව්ද කියල.

මුලාශ්‍රය : තරුණයා පුවත්පතේ පළවූ ලිපියක් ඇසුරෙනි.

Read Full Post | Make a Comment ( 7 so far )

නිවුණු සිත දවාලන අපේ හාමුදුරුවන්ගේ බන පදය.

Posted on July 19, 2011. Filed under: හෙළිදරව්ව | Tags: , , , , , , , , , , , , , , , , , , , , , , , , , , , , , , , , , , , , , , , |

බන පදයක ඇති දහම් සිසිල දැවුණු සිත දවාලන අමා දියකි.බුදුන් වැඩිය මේ රුවන් පොලොව මත දිවි ගෙවන අපේ දේශයේ මුර දේවතාවන් බදු වූ මෙරට බික්ෂුන් වහන්සේලා අද මේ සිත දැවීම හා නිවීම යන කාර්යයන් දෙකටම අත ගසා තිබීම බහුලව දක්නට ලැබෙයි,සිත නිවාලන කතා පමණක් දෙසීම උන්වහන්සේලාගේ පරම යුතුකම බව අමතකව ගිය නිසාදෝ දැන් දැන් වැඩිපුරම ඇසෙන්නේ සිත දවන කතාය.

එක්තරා සුප්‍රකට බෞද්ධ හිමිනමක් විසින් කරන ලද දේශනයක් මුස්ලිම් අපගේ හද දවා දැමු ආකාරයයි. කණගාටුවට කරනවා නම්,එකී භික්ෂුන් වහන්සේ නැවත නැවතත් රුපවාහිනී නාලිකා ඔස්සේද මෙබදු දේශනයන් පවත්වන්නට යෙදීමයි.
සජීවීව රුපවාහිනී නාලිකාව ඔස්සේ ගෙන ආ ධර්ම දේශනයයි.සුවහසක් බෞද්ධ ,අබෞද්ධ ජනයා අස සිටි ඒ දම් දෙසුම මෙසේ ගල ගියේය.
“මුස්ලිම් අය තමයි අද මේ රටේ කුඩු බිස්නස් කරන්නේ,එයාල ආර්ථක අතින් ශක්තිමත් වෙලා ඉන්නේ කුඩු බිස්නස් කරලා.මන් මේ මුස්ලිම් අයගෙන් ඉල්ලා සිටින්නේ ඔය ඇත්තෝ ධාර්මිකව හම්බ කරන්න.මේ රටේ එහෙම කුඩු බිස්නස් නිදහසේ කෙරුවට අරාබි රටේ එව්වා කරන්න හම්බ වෙන්නේ න ,මොකද එහෙ නීති මෙහෙ වගේ නෙවෙයි.”
මෙම ප්‍රකාශය තුල ඇති ද්වේශ සහගත බව හා දරුණු බව වැටහෙනුයේ එය ගැබුරින් විමසා බලද්දිය.මුස්ලිමුන් අර්තකව ශක්තිමත් වී ඇත්තේ මත් කුඩු ජවරමින් බව ඔබ වහන්සේ පවසයි මුළු මුස්ලුම් සමාජයම අර්තකව ශක්තිමත් නොවන නමුදු මෙවන් චෝදනාවක් සුළු ජාතික පිරිසක් වූ මුස්ලිමුන් වෙත එල්ල කලත් අප වෛර නොකරමු. ස්වාමින් වහන්ස ! එක් මකුනකු සපා කෑ විට  මකුණන් සියල්ල මරා දැමීම පාරම්පරික සම්ප්‍රදායකි.එකී සම්ප්‍රදායෙන් පිට පැනීම ඔබ වහන්සේට ද අසීරු වී ඇත.මම මුස්ලිමුන්ට සුදු හුණු ගන්නට තැත් නොකරමි.
නමුදු, මොහොමඩ් හෝ අහමඩ් හෝ ෆාතිමා යැයි කියූ පමණින්  ඔවුහු මුස්ලිමුන් නොවෙයි.නමින් පමණක් මුස්ලිම් වූ එක් අයෙකු දෙදෙනෙකු සිදු කරන පහත්කම් නිසාවෙන් මුළු මහත් මුස්ලිම් සමාජයම ධාර්මිකව මුදල් උපයන්නේ නැති බව හා මුළු මුස්ලිම් සමාජයම මත කුඩු ජාවාරම් කරන්නේය යනුවෙන් පැවසීම සාපරාධි ප්‍රකාශයකි.
මෙරට තැබෑරුම් වල අයිති කරුවෝ බෞද්ධයෝය.එපමණක් නොව කැසිනෝ ශාලා,සුදු පොළවල්,කැරෝකේ ක්ලබ් ,නගරයක් පාසා විවෘතව පවතින ආයුර්වේද ගණිකා මඩම් ද,එපමණක් නොව, මෑතකදී කුඩු ලාලිත හා දේශපාලනයේ නියුතු සිල්වා ලාගේ මත් කුඩු ජාවාරම් ගැනද,මේ ධර්මද්වීපයේ ගංජා වවන්නෝ බෞද්ධයෝ නොවේද යන්න , ඔබ වහන්සේ මුනිවත රකින්නේ මන්දැයි මා නොදනිමි.

බෞද්ධ භික්ෂුන් වහන්සේ නමකගේ මෛත්‍රී සහගත බවට පටහැනි එබදු කතා වගකිව යුතු හිමි නමක් විසින් ප්‍රකාශ නොකළ යුත්තකි.අද මත කුඩු ජාවාරමට හවුල්ව ඇතිනම් පමණක් මුස්ලිම් වූ අධමයන් සැබවින්ම “කුලියට ” මුස්ලිම් නම් යොදාගෙන තිබෙනවාදැයි නොදනිමි.ඇතැම් විට ඔවුන්ගේ සමහරෙක් මුස්ලිම් නමින් වෙස් වලාගත් බෞද්ධ හෝ කතෝලික හෝ හින්දු අයද විය හැක.ම මෙසේ පවසන්නේ හේතු සාධක සහිතවය.

නොබෝද මා කොලබ නගරයේ වුවමනාවක් සදහා සිටින විටදී මා ගමන් ගත් වහනය නැවත තිබු ස්ථානයට එක  මුස්ලිම් කාන්තාවක් පැමිණ මුදල් ආධාරයක් ඉල්ලා සිටියාය.ය හිජාබයකින් හිස වසා සිටි බැවින් සැකයක් ඇති නොවුනි.ඇයට මුදලක් පරිත්‍යාග කිරීමට සැරසුණා පමණි.තවත් මුස්ලිම් කාන්තාවක් පැමිණ

” මල්ලි.. මේ කෙනාට සල්ලි දෙන්න එපා .මෙයා මුස්ලිම් නෙමේ බොරුවට හිජාබයක් දා ගෙන ඉන්නේ .ඔයාලව රවට්ටන්න.මෙයා හවසට හිජාබය ගලවල ඇත බලල සාස්තර කියනවා.මල්ලි මන් කියන්නේ බොරු නම්,මෙයට කලිමාව කියන්න කියල කියන්න.මෙයා බොරු කාරියක්.මේ ටව්මේ ඉන්නේ මුස්ලිම් ටික දෙනයි ඒ ය විතරයි ඇත්තටම මුස්ලිම්.මෙයා මෙතන බොරුවට ඔලුව වහගෙන ඉන්නේ,මුස්ලිම් විදියට රගපාල අපිවයි ආගමයි දෙකම පාවල දීල සල්ලි හම්බ කරනවා.”
මම පුදුම වුනෙමි.පෙර පැමිණි කාන්තාවගෙන් මා කලිමාව විමසීමි.එකෙනෙහිම ඇය දිව ගියාය.මේ සිදු වීම සත්‍යයකි.
මෙලෙස කොතෙක් නම් ව්‍යාජ ෆාතිමා ලා, ව්‍යාජ මොහොමඩ් ලා,සිටිය හැකිද? ගරුතර ස්වාමින් වහන්ස,තත්වය මෙසේ තිබියදී ඉදින් තව කුමක් පැවසිය යුතුද?
ඒ කෙසේ වුවද මුස්ලිම් නමක් තිබු පමණින් ඔහු මුස්ලිම් වරයෙකු නොවේ.එසේම ඇත්තෙන්ම එක් මුස්ලිමෙකු අධාර්මිකව මුදල් ඉපයුවාට මුළු මුස්ලිම් සමජයමටම දොස් පැවරීම නොකරන්න. එය බෞද්ධ ධර්මයේ එන පංච ශිලයෙහි සිව්වැනි ශික්ෂා පදය වූ “මුසාවාද වේරමණී…” සිලපදය බිද දැමීමකි.

එසේම ඔබ වහන්සේ පවසා සිටිය ,අරාබි රටේ මේ පාපකාරී ක්‍රියාවන් කල නොහැකි බවත්,එහි නීති රීති දරුණු බවත්ය.

ගරුතර ස්වාමින් වහන්ස ! ඔබ වහන්සේට එසේ වැටහී තිබීම ඉතා සතුටට කාරණයකි.එහෙත් මම ඉතා ගෞරවයෙන් කියනු කැමැත්තෙමි.එය අරාබි රටේ අරබිකරයාගේ නිතිය නම් නොවේ,එය මෙලොව මවා මිනිසා ඇතුළු සියලු වස්තුන් නිර්මාණය කල අල්ලාහ් දෙවිදුන්ගේ නීතියයි.එකී නිතිය අරාබිකරයේ ක්‍රියාත්මක වනුයේ එය මුස්ලිම් රාජ්‍යයක් නිසාවෙනි.සැබෑ මුස්ලිමුන්ට අල්ලාහ්ගේ නීතියට පිටුපා නොහැක.එකී නිතිය පිටු පාන්නා සැබෑ මුස්ලිමෙකු නොවේ.
එහෙයින් ඔබ වහන්සේට වැටහෙනු ඇත.සැබෑ මුස්ලිම් භක්තිකයා අල්ලාහ්ගේ නීතියට යටත් වන අතර පාපකාරීන් හට එකී නීතියෙන් කිසිදු සමාවක් නොවන බව.ඔබ වහන්සේ පවසන පරිදි මෙරට මත් ද්‍රව්‍ය ජාවාරම්  නිදහසේ කල හැක්කේ,අල්ලාහ්ගේ නිතිය නොමැති නිසාය.සර්ව සාධාරණ වූ එම නිතිය මනුෂ්‍ය මවා පෝෂණය කරන්න වූ අල්ලහ්ම නිර්මාණය කල බැවින් එම නිතිය යටතේ පව්කාරයට සමාවක් නොමැත.එම නිතිය මෙරට පමණක් නොව ලොව කිසිම නීතියක් හා සමකල නොහැක.එය ඔබ වහන්සේලාද අනුගමනය කල මැනවි.එවිට සැබවින්ම ඔබ වහන්සේලා පතන ධර්ම රජ්‍යයය මෙහි ගොඩ නගන්නට හැකි වනු ඇත.මන්දයත් පාපතරයා හා වැරදි කරන්නන්හට බුදුන් වහන්සේගේ අවිහිංසාවාදී පිළිවෙත නොගැලපෙන බැවිනි.
අනෙක් කරුණ නම්,ඔබ වහන්සේගේ දේශනයේ මෙසේද පවසනු අසන්නට ලැබිණි.
“….. දැන් මේ මුස්ලිම් ඥතිවරුන්ට ,කතෝලික ඥතිවරුන්ට,හින්දු ඥතිවරුන්ට මන් කියන්න කැමතියි.ඔය අත්තොන්ට වුනත් ස්වර්ගයට යන්න අවශ්‍ය නම්,පංච ශිලා ප්‍රතිපත්තිය අනුගමනය කරන්න ඕන.අපේ බෞද්ධයෝ වුනත් එහෙමයි.බුදු හාමුදුරුවෝ පෙන්වා දුන් සීල,සමාධි,ප්‍රංඥ මාර්ගයන්හි යමින් පස් පවින් වැළකෙන්න ඕන.ඔය අත්තොන්ට තව අවුරුදු කෝටියක් ගිහින් හරි බුද්ධාගමට අවේ නැතිනම්, කතෝලික ඇය දවසට හා සැරයක් නෙමේ සිය සැරයක් ඥ්යා කලත් වැඩක් නැහැ.මුස්ලිම් ඇය දවසට පස් සැරයක් නෙමේ සිය සැරයක් වැන්දත් වැඩක් නැහැ.ඔය ඇත්තන්ට ස්වර්ගයට නම් කවදාවත් යන්න බැහැ.එකට මේ බෞද්ධ මාවතට පිවිසෙන්න ඕන.ආතර්.C . ක්ලාක් වරක් කියල තියෙනවා මේ ලෝකේ තියෙන හැම දහමක්ම විනාශ වෙලා යනවා.අන්තිමේදී බුදු දහම පමණයි ඉතිරි වෙන්නේ කියල…..”

ගෞරවනීය ස්වාමින් වහන්ස! ඔබ වහන්සේගේ විවෘත ආරාධනාවට මා තුති පුදමි.අප සැමට ස්වර්ගය කරා ලගා විය හැකි මාවත ඔබ වහන්සේගේ දැනුමට අනුව පෙන්වා දීම සතුටට කරුණකි.නමුදු අන්‍ය ආගමිකයන් වූ අපට පස් පවින් වළකින්නට ප්‍රථම, එය අනිවාර්යය වූ බෞද්ධයෝ එය පිළිපැදිය යුතු නොවේද?

 

සැබවින්ම මුස්ලිම් වන අපට නම්,පස් පවින් වැලකීම ඉතා පහසුවෙන් කල හැක.මන්ද යත් ඉස්ලාමය අහේතුකව පර පණ නැසීම,සොරකම් කිරීම,බොරු කීම,කාමයේ වරදවා හැසිරීම,මද්‍යසාර හා මත් ද්‍රව්‍ය භාවිතය යනාදී වූ පස් පව් ඉතා තදින් බැහැර කරන අතර අල්ලාහ් දෙවියන් වහන්සේ ඒ වැරදි සදහා දැඩි දඩුවම් හා නීතිරීති පනවා ඇති බැවිනි.

නමුදු බුදු දහමේ අනිවාර්ය සාදකයක් වූ මේ පස් පවින් වැලකීම අද බෞද්ධයා තුල නැත්තේ ඔවුන් පවට මෙන්ම දදුවමටත් බිය නොමැති නිසාය.එසේ තිබුණා නම්,අද මේ ධර්මද්වීපයේ අඩියෙන් අඩියට තැබෑරුම් විවෘත වන්නේ නැත.සුදු කඩ විවෘත වන්නේ නැත.පිය දුව නොහදුනන,පුතා මව නොහදුනන,අය්යා නංගි නොහදුනන,ජඩ සංස්කෘතියක් බිහි වන්නේ නැත.තම සාස්තෘ නායකයාණන් වූ බුදුන් වහන්සේගේ බුදු පිළිම හාරා පෞරාණික වස්තු (නිදන්) සොරකම් රටේ ප්‍රචලිත වන්නේ නැත.බිරිද සැමියා මරා දමන,සැමියා බිරිද මරා දමන,පිළිවෙත දියත් වන්නේ නැත.ගල් පැලෙන බොරු කියා තම මදිය තර කර ගැනීමේ ප්‍රෝඩාවන් බිහි වන්නේ නැත.මෙවන් අවධියක  ඒ බුදු පිළිවෙත අනුගමනය කරන්නට ඔබ වහන්සේ ආරාධනා කිරීම පැසසිය යුතුය.
ස්වාමින් වහන්සේ මෙසේද පැවසුහ.
“……….. කතෝලික අය කරන්න තියෙන සේරම නොපනත්කම් කරලා සල්ලි හම්බ කරනවා.මුස්ලිම් අය කරන්න තියෙන සේරම නොපනත්කම් කරලා සල්ලි හම්බ කරනවා.හින්දු අය කරන්න තියෙන සේරම නොපනත්කම් කරලා සල්ලි හම්බ කරනවා.බෞද්ධ අයගෙන් ඇතැම් අය කරන්න තියෙන සේරම නොපනත්කම් කරලා සල්ලි හම්බ කරනවා….. “

ගරුතර ස්වාමින් වහන්ස! මෙහිදී ඔබ වහන්සේ සැබෑ ලෙස සීල,සමාධි,ප්‍රඥ වදන බෞද්ධ භික්ෂුවක සේ ක්‍රියා කොට නොමැති බව මගේ අදහසයි.එම ප්‍රකාශය තුල ඇත්තේද,සමානාත්මතාවය නොව අසමනාත්මතවයයි.  බෞද්ධයන්ගෙන් පමණක් ඇතැම් අය නොපනත් කම් කරන අතර අන්‍ය ආගමිකයෝ සියලු දෙනාම නොපනත් කම් කරතියි පැවසීම ඊට සාක්ෂියකි.

තව දුරටත් උන්වහන්සේ මෙසේද පැවසුහ.

“… මං ඉන්න කොළඹ 07 විපස්සනා භාවනා මධ්‍යස්ථානයට කතෝලික අය එනවා.හින්දු අය එනවා.මුස්ලිම් අය පල්ලියට හොරෙන් ඇවිල්ල භාවනා කරලා හොද මුස්ලිමුන් වෙලා යනවා….. ”

ගරුතර ස්වාමින් වහන්ස!

ඉස්ලාම් ධර්මයේ එන ලෞකික හා ලෝකාන්තර සුවය අන් කිසිදු ධහමකට දෙවැනි වන්නක් හෝ සමකල හැක්කක් නොවේ.මේ පරම පිවිතුරු දහමෙහි නොමැති ශාන්තියක් වෙනත් දහමකින් පතා යන්නෝ ඉස්ලාමය හරි හැටි නොදන්නා,නමට පමණක් සිමා වූ මුස්ලිමුන්ය.ඔවුහු සැබෑ මුස්ලිමුන් නොවේ.ඔවුහු පල්ලියට හොරෙන් ගොස් භාවනා කරන තරමට බාධාවක් ඉස්ලාමයයේ ඔවුන්ට පනවා නොමැත.අවශ්‍ය නම් එළිපිටම එය සිදු කල හැක.එහෙත් එය පල්ලියට හොරෙන් කරනුයේ එය වරදක් බව ඔවුන්ම දන්නා බැවිනි.

“හොද” මුස්ලිමුන් වීම කෙසේ වෙතත් “ව්‍යාජ” මුස්ලිමුන් වීම නම්,අනිවාර්යයෙන්ම සිදු වනු ඇත.

බුදු දහම හැර අන් සියලු දහම් මිත්‍යා දෘෂ්ටිකයින්ය,යනුවෙන් පවසන ඔබ වහන්සේ සැබවින්ම අවන්කවම කතා කරන්නේද යන්න මා නොදනිමි.

අවසානයේ සියලු දහම් විනාශ වී බුදු දහම පමණක් ලොව ඉතිරි වන්නේ නම්,බලෙන් ආගමට හැරවීමට විරුද්ධ යැයි පවසමින් පනත් ගෙන ඒමට මේ සා වෙර දරනුයේ මන්ද යැයි අප නොදනිමු.අවසානයේ සියල්ලෝම බෞද්ධ වන්නේ නම්,අන්‍යාගම් කර බෞද්ධයෝ ඇදී යාම පිළිබද අනවශ්‍ය බියක් ඇති කර ගත යුතු නැත. 

ගරුතර ස්වාමින් වහන්ස!

ඉස්ලාමයේ නම් පාරම්පරික මුස්ලිමුන් හෙවත් උපතින් මුස්ලිම් වුවන් පමණක් නොව දැනුමෙන් හා අවබෝධයෙන් ධර්මය සොයා පැමිණි බොහෝ අන්‍යගමිකයෝද වෙති.කිසිවෙකු ඔවුහු බිය වද්දා බලෙන් ඉස්ලාමයට හරවාගෙන නැත.එසේ සිදු කිරීම ඉස්ලාම් ධර්මය සපුරා තහනම් කොට ඇත.නමුදු උපතින් මුස්ලිම් වුවන්ට වැඩ දැඩි ස්ථිරසාර ආගමික ස්ථාවරයක ඔවුහු සිටිනුයේ ඔවුන්ගේ දැනුම හා අවබෝධය මත ඔවුන් ඉස්ලාමය වැළද ගත් හෙයිනි. බුදු දහමටද එවන් යුගයක් එලභිම සිදුවන්නේ නම් අප කිසිවකුත් කිසිදු ද්වේශයක් හෝ ඉරිසියාවක් නොකරන බව දන්වා සිටිනු කැමැත්තෙමි.

නමුදු හිතා මතාම,එකී ද්වේශය අප හදවත් තුල වපුරන්නට මෙවන් දේශනයක් මින් මතු සිදු නොකරන ලෙස මා ඉතා සුහදශීලිව ඉල්ලා සිටිමි.

Read Full Post | Make a Comment ( None so far )

මුහුදු මහා විහාරය ආක්රමනය කරන්නේ මුස්ලිම්වරුද?

Posted on July 1, 2011. Filed under: හෙළිදරව්ව | Tags: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , |

ශ්‍රී ලංකාවේ  නැගෙනහිර අග්නිදිග දිශාවේ බහුතර මුස්ලිම් වරුන්ගෙන් සමත්විත පැරණි ගම්මානයකි පොතුවිල.මෙහි මුස්ලිම්වරුන් 29950 ද,දෙමල ජාතිකයින්  5129 ද,සිංහල  ජාතිකයින්  831 ද, ඉතාමත් සමගියෙන් හා සමයෙන් ජිවත් වෙති.සුනාමියට පෙර ගනු ලැබූ සන්ගනනයන් අනුව  85.05% මුස්ලිම් වරුන්ද ,10.22 % දෙමල ජාතීන්ද,2.44 % සිංහල ජාතීන්ද, සිටි බව තොරතුරු හෙළිවේ.

සුනාමියෙන් පසුව සහනාධාර කටයුතු සදහා ඒ ප්ප්‍රෙදේශයට පැමිණි ජ.වී.පෙ හා හෙළ උරුමය විසින්ද පිට පළාත් වලින් පැමිණි ඇතැම් සිංහල සංවිධාන විසින්ද,එම ප්‍රෙදේශයේ  ජාතික සමගියට එරෙහිව කටයුතු කර ඇති බවට මැනවින් පැහැදිලි වේ.

සුනාමියෙන් පසු මුස්ලිම්වරු බහුතරයක් පදිංචි ප්රෙදේශවල අලුතින් “බුද්ධ ප්‍රතිමා” ඉදිකිරිමෙන්ද,පුරාවස්තු සදහා පරීක්ෂණ පැවැත්වීම නමින් මුස්ලිම් වරුන්ට් අයත් බිම බලහත්කාරයෙන් සතුකරගෙන “බෞද්ධ සංඛේත” තැබීමද ,ප්‍රදේශයේ නොයෙකුත් ස්ථානවල (මාර්ග සංවර්ධන අධිකාරියට අයත් ) බෞද්ධ විහාර ,බෞද්ධ ආරාම හා බෞද්ධ දහම් පාසැල්  ඉදිකිරීම්ද, මෙම ප්‍රශ්නයට තුඩු දුන් මුලික කරුණු විය.

සුමාත්‍රා දුපත්වල සිදු වූ භූ කැපව හේතු කොට ගෙන ශ්‍රිලංකාවේ මුහුදු බද ප්‍රදේශ විනාශයට පත් වුහ.පොතුවිල් ප්‍රදේශය සුනාමියෙන් පසුව එහි මුස්ලිම් වරුන් බහුතරයක් ජිවත් වන ගම්මාන වල අලුතින් බුද්ධ ප්‍රතිමා ඉදිකිරීම් ආරම්භ කෙරිණි.එපමණක් නොව,බෞද්ධ විහාරද,බෞද්ධ ආරාමද,බෞද්ධ දහම් පාසල්ද,අළු?හීන ඉදිකරනු ලැබුහ.

මෙවැනි බෞද්ධ සිද්ධස්ථාන සුනාමියට පෙර තිබී සුනාමියෙන් පසු ඒවා ප්‍රතිසංස්කරණය කරනු ලැබුවේ  නම්,ඒ පිලිබදව ප්‍රශ්න කල නොහැකිය.එහෙත් සිදු වුයේ වෙනත් දෙයකි.එනම් මුස්ලිම් වරු බහුතරයක් ජීව?හ ඇන ගම්මාන වල සුනාමියේ ප්‍රතිපලයක් ලෙස අලුතින් බුද්ධ ප්‍රතිමා බිහි වීමයි.එයට්  ශ්‍රීලංකා හමුදාව තම සහයෝගය දැක්වීමද,ආරක්ෂක අංශ වලට අයත් වාහන වල බෞද්ධ කොඩි රදවා ගෙන ප්‍රදේශය පුරා  ගමන්  කරමින් කඩිනමින් ක්‍රියාත්මක වීමද,ප්‍රදේශ වාසි මුස්ලිම්වරුන්ගේ සැකයට හේතු විය.සුනාමියට පෙරත්,පසුත්, පොතුවිල් ප්‍රදේශයට  පැමිණි ඇතැම් පිරිස් සැලසුම් සහගතව “අපේ ගම ” “අපේ රට‍ ” ඔක්කොම අපගේ “  යනුවන් ගෝෂා  කරමින්  සිදු කල දේ පහතින් දැක්වේ.

පුරා වස්තුන් පිළිබද පරීක්ෂණ

  1. ජමා ඇතුල් මුස්ලිමින් චතුරශ්‍රයේ මුහුදු වෙරළේ මුස්ලිම් වරුන්ට් අයත් ඉඩමක් ඇත.එම ඉඩමේ “පුරාවස්තු පිළිබද පරීක්ෂණ ” යන්නෙන් සලකුණු කරනු ලැබිණි.ඉන්පසු එම කාර්ය සදහා හිමි නමක් පත් කරන ලදී.එහි ප්‍රතිපලයක් වශයෙන් උන්වහන්සේගේ නවාතැන් සදහා එහි ආරාමයක් තනන ලදී.

ඉන්පසු පොතුවිල් අරුගම්බේ ප්‍රධාන විදියේ “මුහුදු මහා විහාරය ” නමින් නාම පුවරුවක් තබන ලදී.ඇත්තෙන්ම එය 4 වන කොට්ඨාශයේ  “මස්ජිදුල් ‍ෆලාල් පල්ලි විදිය ” නමින් දිගු කාලයක් තිස්සේ නම් කර තිබු විදියකි.

ඉන පසුව මුස්ලිම් වරයෙකුට අයත් ඉඩමක් බලහත් කාරයෙන් පවරාගෙන බෞද්ධ ආරාමයක් ඉදි කිරීමට අන්තිවරම් දමන ලදී. දැනට එහි බෞද්ධ දහම් පාසලක්ද පැවැත්වේ.දැනඒ දිවා  රැ රජයේ හමුදාව එහි වැඩම සිටින භික්ෂුන් වහන්සේ ආරක්ෂා කරමින් සිටිති. මෙහි පුදුමයට කරුණක් නම්,එකම සිංහල පවුලක් හෝ සිංහල සහෝදරයෙකු ඒ අවට පදිංචිව නොසිටීමයි.මේ කටයුතු සියල්ල සිදුවන්නේ 100% මුස්ලිම් වරුන් පදිංචිව සිටින ගම්මානයකය.

එම ස්ථානයේ සිට ප්‍රධාන පාර ට ආසන්න වශයෙන් කි.මි. 2 දුරක් ඇත.ඇතැම් පිරිස් විසින් රජයේ හමුදාව හා එක්වී විහාරයක් වත් නොමැති විදියක් වන මස්ජිදුල් ‍ෆලාල් පල්ලි විදිය “මුහුදු  මහා විහාර විදිය ” යන්නෙන් වෙනස් කර නාම පුවරුවක් තබා ඇත.එම නාම පුවරුව ඔවුන් විසින්ම විටින් විට මකා දැමීම සිදුවෙමින් පවතින .අවසානයේදී සිමෙන්ති ගල්  වලින් එම ස්ථානයේ ගොඩනැගිල්ලක් ඉදි කර එහි “මුහුදු මහා විහාර විදිය ” යන නාම පුවරුව තබා ඇත.මෙයද මුලදී, “පුරාවස්තු පිළිබද පරීක්ෂණ ” නමින් සංඛේතවත් කරනු ලැබ පසුව , බෞද්ධ විහාරයක් වශයෙන්ද,බෞද්ධ ආරාමයක් වශයෙන්ද,බෞද්ධ දහම් පාසලක්‌ වශයෙන්ද,මාරු කරන ලදී.ඉන්පසුව භික්ෂුන් වහන්සේ නමක් එහි ස්ථිරව පත් කරන ලදී.

  1. පොතුවිල් සෙන්ගමමි ප්‍රධාන විදියේ තුන්වැනි සැතපුම් කනුව නමැති ස්ථානයේ පොලිස් මුර පොලක් ඇත.ඊට සමීපව මුස්ලිම් වරුන්ට අයත් බිම් ප්‍රදේශයක “පුරාවස්තු පිළිබද පරීක්ෂණ ” යනුවෙන්  සංඛේතවත් කර එහි වටේ කොන්ක්‍රීට් කණු සිටුව ඇත.එම කොන්ක්‍රීට් කණුවල “පුරා විද්‍යා දෙපාර්තුමේන්තුව ” යන්නෙන් ලියා  ඇත.එම ස්ථානය රජයේ හමුදාව යටතේ ආරක්ෂා කරමින් පවතී.
  2. පොතුවිල්-නවලාරු ප්‍රධාන විදියේ චක්‍රවෙලි විශේෂ හමුදා බලකායේ කදවුර පිහිටි ස්ථානයට ඉදිරියෙන් මුස්ලිම් වරුන්ට් අයත් ඉඩමක් ඇත.එම ස්ථානයේද පුරාවස්තු සදහා පරීක්ෂණ යන්නෙන් බෞද්ධ චක්‍ර සලකුණු සංඛේතවත් කර ඇත.මෙහිදී පුරා විද්‍යා දෙපාර්තුමේන්තුව යන්න ඒ වටා ඉදිකර ඇති කොන්ක්‍රීට් කණුවල සිංහල අකුරින් ලියා ඇත.එම ස්ථානයේද රජයේ හමුදා පාලනය කරයි.
  3. මුදලයිමලයි-කුදක්කල් මලයි. — කුරයිකදල් රොක් නමැති ස්ථානය පුරාවස්තු පරීක්ෂණ නාමයෙන් සංඛේතවත් කර ඇත.මෙම ස්ථානය “පෙරිය උල්ලේ“ නමැති මුස්ලිම් වරුන් බහුතරයක් පදිංචි වී සිටින කුඩා ගම්මානය හි පිහිට ඇත.
  4. මුස්ලිම්වරුන්ට අයත් “තරම්පරයි ” නමැති වී ගොවිපල පිහිටි ඉඩමද පුරාවස්තු පරීක්ෂණ යන්නෙන් සංඛේතවත් කර ඇත.
  5. පොතුවිලට  යාබදව පිහිටි “සෙන්ගමමි අසිස් නගර් ” නමැති ප්‍රදේශය පුරාවස්තු පරීක්ෂණ නමින් සංඛේතවත් කර ඇත.සිංහල සහෝදරයෙකු හෝ සිංහල පවුලක් පදිංචි නොවී සිටින්නාවූ ද ,ඉහත සදහන් ප්‍රදේශ වල සැලසුම් සහගත අරමුණකින් යුතුව කරනු ලබන මෙම ක්‍රියාව හේතු කොට ගෙන පොතුවිල් නගරය පුරාම බුදු පිළිම ඉදි කර තිබේ.

බෞද්ධ විහාර

  1. පොතුවිල් -පානම ප්‍රධාන විදියේ ශාන්තිවේලි නමැති ප්‍රදේශයේ විශේෂ හමුදා බලකායේ කදවුර පිහිටි හන්දියේ “චාශ්‍ර වේලි විහාරය” යන්නෙන් සිංහල බසින් නාම පුවරුවක් තබා ඇත.මෙවැනි විහාරයක් ගල් කන්දෙහි පිහිට තිබීම මෙහි ජිවත් වන කිසිවෙක් මෙතෙක් නොදන්නා අතර, ඇතැම් බෞද්ධ පිරිස් පමණක් ඒ පිළිබද දැන සිටීම පුදුම සහගත කතාවකි.
  2. බහුතර මුස්ලිම් වරු පදිංචිව සිටින “සින්න උල්ලේ” ගම්මානයේ කෝඒසැක “සිංහපුර” බවට වෙනස් කර ඇත.එහි දැන් රජයේ පසලට් සිංහපුර සිංහල විදුහල යන අලුත් නාම යොදා තිබේ. ඒ සමගම එහි දහම් පාසලක්ද ඉදි කර ඇත.එම ප්‍රදේශයේ සිංහල -දෙමල ශිෂයින් 100 අඩු ප්‍රමාණයක් ඉගෙනුම ලබයි.මෙම පාසැල පිහිටි ප්‍රධාන විදියේ සමුධ්‍රාගිරි විහාරය යන සිංහල නාම පුවරුවක්ද තබා ඇත.
  1. ඉහත සදහන් “සින්න උල්ලේ” ගම්මානයේ මහා මාර්ග සංවර්ධන අධිකාරියට අයත් බිම් පෙදෙසෙහි සුනාමියට පසුව පොතුවිල් ප්‍රාදේශීය සභාවේ හෝ මහා මාර්ග සංවර්ධන අධිකාරියෙන් හෝ අනුමැතිය නොලැබ , සුනාමි ඛේදවචකයට් භාජනය වූ අයට් උදව කිරීමට පැමිණි ඇතැම් පිරිස් රජයේ හමුදාවේ පුර්ණ සහයෝගය හා ආරක්ෂාවෙන් යුතුව් ,සුනාමියට ගොදුරු වූ අය වෙනුවෙන් “සිහිවටනායක” ඉදිකිරීමේ නාමයෙන් මධ්‍යම රාත්‍රී  කාලයේ  බුදු පිළිම 4 ක් තබා ඇත.”අපි ආධාර ලබා දෙන්න අවා.ඔයාලගේ නාම ලියල අත්සන් දල දෙන්න ” යැයි පවසමින් අත්සන් ව්‍යාපාරයක්ද ,එම ප්‍රදේශයේ කෙරුණි.මෙම අත්සන් ව්‍යාපාරය කරනු ලැබුවේ “සින්න උල්ලේ ගමෙහි බුදු පිළිම තබන්නට මුස්ලිම් වරු වන අපෙන් ප්‍රතික්ෂේපයක් නොමැත.” යනුවෙන්  සකස් කරනු ලැබූ ලිපියටයි.දැන් එම ස්ථාන වල රජයේ ආරක්ෂක භටයින් විසින් දිවා රැ ආරක්ෂා කරනු ලබයි.
  1. පොතුවිල්-අරුගම්බේ ප්‍රධාන විදියේ විශේෂ බලකාය පිහිටි අරුගම්බේ පාලම අසල දැවැන්ත බුදු පිළිමයක් ඉදි කර ඇත.එය රුපියල් ලක්ෂ 80 වටිනා වුද , තායිලන්තයෙන්  ගෙන්වනු ලැබුවා වුද, තබ වලින් නිම කරනු ලැබුවා වුද,සුවිශල් ප්‍රතිමාවකි.මෙම විශාල බුද්ධ පිළිමයට වැදුම් කරන්නට ඒ ප්‍රදේශයේ සිටින විශේෂ බලකාය හැරෙන්න කිසිම බෞද්ධයෙකු ඒ ප්‍රදේශයේ නැත.එකම සිංහල පවුලක් වත් ඒ ප්‍රදේශයේ පදිංචිව නැත.ඊට අමතරව එම ප්‍රදේශයේ “බෞද්ධ සම පුජනිය පෙදෙස ” යන්නෙන් භාෂා තුනෙන්ම ලියන ලද නාම පුවරුවක් තබා  ඇත.

මෙම අරුගම්බේ කලපු ප්‍රදේශය මස්ලිම් වරුන් මාළු  මෙන්ම ,ඉස්සන් ඇල්ලීම දිගු කාලයක් තිස්සේ කරගෙන යයි.සුනාමියෙන් පසුව අරුගම්බේ කලපුවේ මාළු අල්ලන ප්‍රදේශ වටා කණු සිටවා  කම්බි වලින් වැටක් බැද වසා තබා ඇත.ඒ අතර වැටෙ මායිම තුල බෞද්ධ විහාරයක් ඉදිකිරිම සදහා අන්තිවාරමක්  දමා ඇත.

ඒ වන තෙක් බුදු පිළිම තනමින්,විහාර ඉදිකරමින් තිබුනද,මුස්ලිම් වරු විරෝධතාවයක් දැක් වුයේ නැත.

නමුත්,දැවැන්ත බුදු පිලිමයකුත් තබා ,මුස්ලිම් වරුන් මාළු අල්ලන්නට  යෑම තහනම් කරමින් ධිවරයින්ට තම තම රක්ෂාව නැති කරමින් වැටක්  දැමීමෙන් පසුවයි මුස්ලිම් වරු ඊට විරුද්ධව නැගී සිටින්නට උත්සුක වුහ.

එහි ප්‍රතිපලයක් වශයෙන් 2005.04.06 වන බදාදා පොදු ජනතාව හා ප්‍රදේශයේ විද්වත්හු එකතු වුහ.නගරයේ කඩවල් සියල්ල වසා දමා ,පාසැල් ශිෂයින් පාසැල් වර්ජනය කළහ.විශේෂයෙන් ප්‍රාදේශීය ලේඛම් කාර්යාලය ,බැංකු,හා අනෙකුත් ආයතන වසන ලදී.ප්‍රදේශ වසින් සියලු දෙනාම පොතුවිල් ප්‍රාදේශීය ලේඛම් කාර්යාලය දක්වා පෙළපාලියකින් ගිය අතර ,එම පෙළපාලියට හිටපු පොලිස් ස්ථානාධිපති වුද,හිටපු පාර්ලිමේන්තු මන්ත්‍රී වුද, එම් .එම් .අබ්දුල් මජීඩ් මහතා නායකත්වය දැරුහ.

ප්‍රාදේශීය ලේඛම් කාර්යාලයට ගිය ජනතාව ඉහත කරුණු පිළිබද රජය ඉතා ඉක්මනින් තීරණයක්‌ ගෙන,අවශ්‍ය කටයුතු වලදී සුනාමියෙන් පසුව කටු කම්බි වැටද ඉවත් කර තම සුපුරුදු රක්ෂාව කරගෙන යමට් ඉවත් කරන ලෙස ඉල්ලා සිටියහ.එමෙන්ම භාෂා තුනෙන් වාර්තාවක් ලියා ජනතිපතිවරයා වෙත යවන ලෙස ප්‍රාදේශීය ලේඛම් නවුෆල් මහතාට භාර දෙන ලදී.

මෙම පෙළපාලිය ඉතා සාමකාමී එකක් වූ අතර ඉහත සදහන් කරුණු භාෂා තුනෙන්ම පොස්ට්ර් මගින් හුව දක්වනු ලැබිණි.මෙම පෙළපාලියේ ද්වේශ සහගත ගෝෂා නොතිබිණි,වාර්තාව ප්‍රාදේශීය ලේඛම් තුමට්‌ භාරදුන් පසු මහජනතාව තම තමන්ගේ නිවෙස් කරා විසිර හියහ.

පසුදින එනම්, 2005.04.07 දින බ්‍රහස්පතින්දා රාත්‍රී 8.30 පමණ පොතුවිල් බස නැවතුම අසල  විනාඩි 5 ක් ඇතුලත බෝම්බ දෙකක් පිපිරිණි.සැලසුම් සහගතව සිටි පොලිසියද,විශේෂ හමුදා බලකායද,,පොලු,සයිකල් චෙන්,කම්බි හා තුවක්කුද රැගෙන වහාම එතනට පැමිණ එහි සිටි මුස්ලිම් වරුන්ට් පන්න පන්නා පහර දෙන්නට් පටන් ගත්හ.එහි ප්‍රතිපලයක් වශයෙන් මුස්ලිම් වරුන් 48 දෙනෙකු තුවාල ලැබුහ.ප්‍රධාන පාර දිගේ ජීප් රථ වලින් පැමිණි ආරක්ෂක භටයින් මහජනතාව පන්නමින් සිටි නිසා තුවාල ලැබුවන්ටරෝහල් කරා යාමට නොහැකි තත්වයක් ඇති වුනි,එබැවින් මේ පිලිබදව පොලිසියට් ගොස පැමිණිලි කරන්නට තුවාල කරුවන් මාලි වුහ.

පොතුවිල් බස නැවතුම්පොළ පසුපසින්ද,පොලිස් ස්ථානයට් පසු පසින්ද,බෞද්ධ විහාර ඇති බව සදහන් කල යුතුය.

මෙම සිදුවීම වසර 5 කට පෙර සිදු වුවකි.දන මෙය දඩමීමා කරගෙන කරුණු විකෘති කරමින්, මුස්ලිම් වරු නැගෙනහිර ආක්‍රමණය කරන බවත්,බෞද්ධ විහාර විනාශ කරන බවත් අන්තර්ජාලය හරහාද  පදනම විරහිත චෝදනා ගොඩනගමින් පවතී.

ඇත්තෙන්ම බෞද්ධ විහාර ගොඩනැගීම ගැන විරොදයක් නැත.ඉහත කරුණු කියවූ ඔබට‍ ඉඩම් ආක්‍රමණය කරන්නේ කවුදැයි පැහැදිලි වනු ඇත. නමුත්  ජන ජීවිතය අඩාල වන පරිදි ධිවර ජිවනොත්පය කරගෙන යාමට නොදී කණු  දමා මසුන් ඇල්ලීම තහනම් කිරීම අනුමත කල හැකිද?

එපමණක් නොව, අරුගම්බේ මුහුදු වෙරළ තිරයේ තැනින් තැන නටබුන් මතු වී ඇත.පුරා වස්තු රැක ගැනීම කාලින අවශ්‍යතත්වයකි.නමුත් එය අසධාරණ ලෙස සිදු වීමද අනුමත කල නොහැකි දෙයකි.ඊට අමතරව ,අරුගම්බේ වෙරළ තිරයේ දැනට් සංවර්ධන කටයුතු සිදු සිදුවෙමින් පවතී.ඉදිරි කාලයේ සංචාරක ව්‍යාපාරය වර්ධනය කිරීමේ අරමුණින් වෙරළ  තිරය සංවර්ධනය කෙරේ.මේ හේතුවෙන් පවතින පුරාවස්තු රැක ගැනීම අසීරු වනු ඇත.පවතින වෙහෙර  විහාර වල පවතින  පුරා වස්තු විනාශ වෙමින්, නිදන් හැරීම නිතරම දකින්නට් ලැබෙන වීට,ඒ සදහා පන්සලේම හිමි වරුන් විසින් දායක වන විට , මුස්ලිම් වරුන් පුරා වස්තු විනාශ කරන බව චෝදනා  කිරීම මොනතරම් විහිලුවක්ද ?

Read Full Post | Make a Comment ( 6 so far )

භාර්යාවන් හතර දෙනෙක්

Posted on June 23, 2011. Filed under: ඉස්ලාම් | Tags: , , , , , , , , , , , , , , , , , , , |

 

පෙර දවසක ධනයෙන් හා බලයෙන් අග  තැන්පත් රජ කෙනෙක් සිටියා.ඔහුට භාර්යාවන් හතර දෙනෙකු සිටියා.

 

ඔහුගේ සිව් වැනි භාර්යාවට අසීමිත ආදරයක් දැක්වුවා.වටිනා ඇදුම්,පැළදුම් සපයා රන් අභරණ වලින් සරසා තබන්නත් අමතක කලේ නැහැ.ඇයට තරම් වෙන කිසිවෙකුටත් ඔහු සැලකුවේ නැහැ.

 

ඔහුගේ තෙවැනි භාර්යාව කෙරෙහි දක්වුයේද ඉමහත් ආදරයක්,අවට රාජධානි වලට යනකොට ඇය කටුව යන්න අමතක කලේ නැහැ.අයටද නොයෙක් අන්දමින් සැලකුවත් ,කවදා හෝ ඇය තමා අත්හැර දම වෙන කෙනෙකු සමග ය හැකි බව සැකයක් ඔහුට තිබුන.

 

ඔහු තම දෙවැනි භාර්යාවටද ආදරය කලා.ඇය කෙරෙහි ඔහුට විශ්වාසය තිබුණා,යද ඔහුට සැම විට කාරුණික වුවා.ඉවසීමෙන් යුතුව ඔහුව රැක බලා ගත්තා.යම් ප්‍රශ්නයක් මතු වූ විට එය විසදිමෙහි ඇය උදව් වුණා.දුක සැප දෙකෙහිම ඇය සැමියා වශයෙන් ඔහුට පිහිට වුවා.

 

ඔහුගේ පළමු භාර්යාව ඔහු වෙත පැමිණ ජිවිතයේ සැබෑ කොටස් කාරියක් වුවා.ඔහුගේ රාජධානිය හා සම්පත් රැක බලා ගැනීමෙහි ඇය හැකි සැම අන්දමකින්ම සහය දුන්න.ඔහු දෛර්යයෙන් වඩා කටයුතු කිරීමටත්, පාලනය ගෙන යාමටත්, ඇය රුකුල් වුවා.එහෙත් ඔහු ඇයට ආදරය කලේ නැහැ.ඇය ඔහුට අවංකව,අසීමිතව ආදරය දැක්වුවත් ඔහු ඇය කෙරෙහි කිසිදු බැදීමකින් තොරව කාලය ගත කලා.

 

දවසක් දා,රජ තෙමේ හිටි හැටියේ රෝගාතුර වෙලා,මරණය ලං වූ බව වැටහුනා.ඔහු තමාගේ සුඛෝපබෝගී ජීවිතය ගැන මදක් සිතුවා.

 

“මේ රාජධානිය,මේ සම්පත් සියල්ල ම මැරුණු විට මට අහිමි වෙනවා.මට භාර්යාවන සිව් දෙනෙකු හිටියත් ම මරුනේ නම් මින් ඉදිරියට ගමන තනිවම නේද,නැහැ රජ වූ මං කාත් කව්රුත් නැති අනාථයෙක්  ”

 

ඊට එහා සිතිමට තරම් මානසික ශක්තියක් ඔහුට තිබුනේ නැහැ.දස කදුලින් පිරි දෙනෙතින් ඔහු සිව් වැනි භාර්යාව අමතා “මම ඔබට අසීමිත ආදරය දැක වුවා.රන් අභරණ, ඇදුම් පැළදුම් ,සිමාවෙන් තොරව ලබා දුන්න.නිසි ආරක්ෂාවක් ලබා දුන්න.දැන් මම මිය යන තත්වයක පත් වී සිටිමි,ඔබ ම සමග ඉන්නවද? ම සමග දුක සැප බෙදාගෙන ගමන් ගන්නවද?”

 

“නැහැ ” යනුවෙන් පිළිතුරු දුන් ඇය තවත් වචනයක් නොදොඩා නික්ම ගිය.අගේ පිළිතුර උල් පිහියක්කින් අනුන සේ වුණා.

 

දුකට පත් රජු තෙවැනි භාර්යාව අමතා දුක කියා බැගපත් වුණා ඇය ඔහු වෙත රවා බලා

“මම ඔබ සමග නොයෙමි,ජීවිතය වාසනාවන්ත වුවක්,ඔබ මැරුනොත් මම තවත් කෙනෙකු සමග යමි.” මෙසේ  පැවසු විට ඔහුගේ සිතා සුනු විසුනු වුණා.

 

රජ තෙමේ දෙවැනි භාර්යාව අමතා බැගපත් ව බැල්ම හෙළුව “මට උදව් උපකාර කිරීමේදී ඔබ නොපසුබටව කටයුතු කලා,මට ප්‍රශ්න ඇති වූ සැම අවස්ථාවකම ඒවා විසදීමට නොමසුරුව සහය දැක්වුවා.දැන් මම මරණය ට ලං වී සිටිමි,ඔබ මා සමග එනවද?මට පිහිට වෙනවද?” ඔහු අඩ අඩ ඇසුවා.

 

ඇයගේ පිළිතුර ඔහුට සැනසිල්ලක් වෙයි කියා සිතුවා .ඇයගේ සිත ගලක් මෙන් තද වී තිබෙන බව දැනගෙන හිටියේ නැහැ.

 

ඇය “මට සමාවෙන්න ,දැන් ඔබට කිසිදු උදව්වක් මට කරන්න බැහැ.වැඩිම වුනොත් මට කලා හැක්කේ ඔබගේ අවසන් කටයුතු නිසි පරිදි ඉටු කිරීමයි.” යනුවෙන් ඇය පැවසුවා.ඔහුට අපා දුක දැනුනා.

 

එවිට “මම ඔබ සමග එමි.ඔබ යන කොතැනක වුවත් මම එමි.” යන ශබ්දය ඇසිනි,රජතුමා එදෙස බලු විට තම පළමු භාර්යාව සිටිනු දුටුවා.ඔහු ඇයට නොසැලකීමේ හේතුවෙන් ඇය රෝගාතුර වී දුර්වල වී සිටියා.

 

 

බොහෝ සේ දුක් වූ රජු “මම හොදින් සිටි අවදියේ ඔබව හොද හැටි ආදරයෙන් රැක බලා ගන්න තිබුණා,එසේ නොකිරීම මගේ වරදක්.” යනුවෙන් කියා හඩ වැලපුනා.දැන් කිසිවක් කල නොහැකියි.කාලය විනාඩියෙන් විනාඩිය ගෙවෙයි මරණය ලං වෙයි.

 

 

 

ඔහු ගෙවී ගිය කාලය ගැන සිතයි.සිංහාසනයේ සිටින විට මට කි දෙනෙක් ගරු කලාද? නින්දට යන විට, අහර ගන්නා විට, බලපුලුවන්කාරකම් පෙන්වන විට, මැති ඇමති වරුන්ට බැණ වදින විට,සේවක සේවිකාවන්ට රවා බලන විට … දැන් ඒ ඔක්කොම ඉවරයි.

 

 

 

අවසන් ගමන අත  ලග….!

 

 

 

  • සිව් වැනි භාර්යාව- ශරීරයයි.මෙය කෙතරම් ලස්සනට තබා සිටියද,ආහාර පාන ආදිය, ඇදුම් පැළදුම් ලබා දී සැපසේ තබා සැලකුවද,අප මිය යන දා අපෙන් ඇත් වෙයි.
  • තෙවැනි භාර්යාව – මුදල් හදල, නම්බු නාම යනාදියයි.මේ සියල්ල අපි මිය යාමත් සමග අනෙක් ඇය අතට පත් වෙයි.
  • දෙවැනි භාර්යාව– අපේ පවුල හා නෑදෑ හිත මිතුරන්.
මොවුහු කෙතරම් අප සමග ලං වී සිටියත් පණ මෙන් ආදරය කලත්, අප මිය ගිය පසු අපව මිනි වල දක්වා ගෙනවුත් එහි තැන්පත් කරනවා.ඒ දක්වාම ආඩා වැලපෙමින් පැමිණෙනවා.එපමණයි. ඉන්පසු සදහටම අපෙන් ඇත් වෙනවා.ඇතැම් විට අපේ සිතුම් පැතුම් ,යමක් තුබුණේ නම් ඒවා ඉටු කරනවා.කලක් යනවිට මොවුන්ගේ වාර්ෂික සැමරීම් වලට පමණක් අප ගැන මතකය සිමා වෙනවා.නැතිනම්, අපගේ මුදල් හදල් බෙදා තම තමන්ට වෙන් කර ගන්නා රැඳු සරුවල් ඇති කරගෙන උසාවි වල කාලය ගෙවෙනවා.

 

 

  • පළමු භාර්යාව -අපේ ආත්මයයි.
මෙය අපේ මුදල,බලය,සතුට වැනි ලෞකික සම්පත් හේතු කොට ගෙන අමතක කරනවා.එහෙත් අපේ ජිවිත ගමනේ අවසානය දක්වාම අප සමගම ගමන් ගන්නා එකම එකක් වන්නේ මෙම ආත්මයයි.

 

 

අපේ ජිවිත ගමන කෙලවර වන්නේ මරණයෙන් නොවේ,මරණය එක සන්ධිස්ථානයක් පමණි.ඉන් එහද ජිවන ගමන නොනවතෙයි.මෙලොව කල හොද නොහොද විනිශ්චය කොට අල්ලාහ්තලා ගන්නා තීරණය අනුව ස්වර්ගය හෝ නිරය දක්වාම මෙම ගමන නොනවතියි.

 

 

එබැවින් ඒ අන්තිම අවස්ථාව දක්වාම අප සමග සිටින ආත්මය පවිත්‍රව තබා ගත යුතු වෙනවා.සිතුවිලි , චේතනා ,ප්‍රතිපත්ති,අපේක්ෂා සහ අරමුණු සියල්ල දේව විශ්වාසය පදනම් කොට තබාගත යුතුයි.ජිවිතයේ නියම ඵල නෙලා ගත හැක්කේ එවිටයි.

 

 

මුහම්මද්(සල්) තුමා මෙසේ පවසා තිබෙනවා.

 

“මිනිසෙකු මරණයට පත් වන විට,ඔහුගේ ක්‍රියාව නිමාවට පත්වෙනවා.එහෙත් තුන් වර්ගයක ක්‍රියාවන් පමණක් ඔහු මිය ගිය පසුවද පින් ලබා දෙනවා.(යහපත් ප්‍රතිපල) ඒවා නම් :

  1. නොකඩවා ප්රෝයෝජනයක් ගෙන දෙන කුමක් හෝ යහපත් දෙයක් ඉටුකොට යැම.
  2. ජනයට ප්‍රොයෝජන ගෙන දෙන අධ්‍යාපනය(දැනුම) ලබා දී යැම.
  3. (මිය ගිය) කෙනෙකු වෙනුවෙන් සැම විට ප්‍රර්ථනා කරන ඔහුගේ දරුවෙක් (තබා යැම)
මුලාශ්‍ර : මිස්කත්
මේවා සිතා බලා ජීවිතය සකස් කර ගනිමු…


Read Full Post | Make a Comment ( None so far )

දික්කසාදය හා ඉස්ලාම් නීතිය-ඉස්ලාම් නීතියේ කාන්තා අයිතිවාසිකම්

Posted on June 23, 2011. Filed under: ඉස්ලාම් නීතිය | Tags: , , , , , |

ආගමානුකූලව ස්වභාවික නීතිරීතිවලට පටහැනි වුවද මිනිසා විසින් නිර්මාණය කරනු ලැබූ දික්කසාදය වනාහී ජීවිත කාලය පුරාවටම සහයෝගයෙන් සහ එකමුතුවෙන් ජීවත්වීමට සැමියා සහ බිරිය ඇතිකරගත් ආදරණීය ගිවිසුම උල්ලංඝනය කිරීමකි. ස්වභාවික පැවැත්මෙන් හා එහි අවශ්‍යතාවලින් සමාජය ඈත් කරනු ලබන්නේ පවුල් කඩා බිඳ වැටෙන දික්කසාදය නමැති සංකල්පය තුළිනි.

පවුලක් කඩාකප්පල්වීම නිසා, එහි උණුසුම හා සෙනෙහස විඳිමින් ජීවත් වූ සැමියා සහ බිරිය පමණක් නොව දූ දරුවන් ද පීඩාවට පත්වෙති. තම පවුල තුළින් පමණක්ම ලැබෙන එකී සෙනෙහස අහිමිවීමෙන් අධ්‍යාත්මික මානසික හා සදාචාරාත්මක පරිහානිවලට හා විෂමතාවන්ට මුහුණදීමට එම පවුලේ සියලු සාමාජිකයන්ට සිදුවෙති.
මේ හේතූන් නිසා භයානක උමතුවක් හෝ අපරාධයක් වැනි නොවැළැක්විය හැකි හේතු මත මිස දික්කසාදය ලබාගැනීමේ ඉඩකඩ කිසිවකුට විවෘත නොකළ යුතු බවට සමාජ, නීති සහ මනෝ විද්‍යාඥයෝ අදහස් පළ කරති.යුග දිවියක් ගත කරමින් සිටින දෙපළක් අතර ඇතිවූ අයහපත් සම්බන්ධතාව නැවතත් සාමාන්‍ය තත්ත්වයට පත් කිරීමට කුමක් කළ යුතුද? ඊට එකම මග දික්කසාදයද?
දික්කසාදයට ඉඩ නැත යනුවෙන් ක්‍රිස්තියානි ආගම තුළ ද ඉතා පැහැදිලිව ප්‍රකාශ කර තිබේ. යළි සාමාන්‍ය තත්ත්වයට පත් කිරීමට නොහැකි තරමට පවුල් ජීවිතය බිඳ වැටෙන විට ඒ පිළිබඳව යථාර්ථවාදීව දකින ඉස්ලාමය විකල්ප මාර්ගයකට ඉඩකඩ සලසයි.
එමෙන්ම එම විකල්පය වැරදි ආකාරයට යොදවනු ලැබීම වළක්වනු පිණිස දැඩි නීතිරීති සම්ප්‍රදායක් ද හඳුන්වා දෙනු ලැබේ. සම්බන්ධතා බිඳ වැටීමෙන් පසුව නැවතත් බල කිරීමකින් ඔවුන් දෙපල විවාහ බන්ධනය තුළ රඳවා තැබීම විසඳුමක් නොවේ. ඉන් තත්ත්වය තවත් අහිතකර වනු ඇත.නමුත් දෙවියන් වහන්සේ අනුමත කළ දේ අතරින් උන් වහන්සේ පි‍්‍රය නොකරන්නේ දික්කසාදය යි යන්න සෙසු ආගම්වල මෙන්ම ඉස්ලාමයේ ද දක්නට ලැබෙන වැදගත් පණිවිඩයකි.එය අයහපත් විසඳුම් අතරින් එකක් තෝරා ගැනීමක් වැනිය. දික්කසාදය හැකි තරම් වළක්වාලමින් විවාහ බන්ධනය තහවුරු කරලීම සඳහා ඉස්ලාමය කටයුතු යොදා තිබේ.

දික්කසාදය සඳහා ඉදිරිපත් වීමට පිරිමින්ට ලැබෙන අවස්ථා සුලභය. එහෙත් ස්ත්‍රීන්ට ලැබෙන්නේ සීමිත අවස්ථාවක් පමණි. ඊට හේතු ද නැත්තේ නොවේ. දික්කසාදයේ දී පිරිමියා විසින් ගැහැණියට ලබාදුන් දෑවැද්ද අහිමි කර ගන්නේය. දරුවන් හදාවඩා ගැනීම සඳහා අවශ්‍ය මුල්‍ය හා ආර්ථික පහසුකම් ලබා දීමෙන් බැහැරවීමට ඔහුට නොහැකිය.විවාහය සඳහා කාන්තාවන් සහ පිරිමින් උනන්දු කරවන ඉස්ලාමය ඉන් බැහැර වීමට ඇති දික්කසාදය නමැති මාර්ගය කටුක හා දුෂ්කර එකක් බවට පත්කර යුගදිවිය සතුටුදායක කරලීම සඳහාත්, ඔවුන් ජීවත්වන සමාජයේ යහපත සඳහාත් මග පෙන්වීම් ලබාදෙයි.“පුරුෂයිනි ඔබලාගේ බිරියන් සමඟ කරුණාවෙන් හා යුක්ති සහගතව කටයුතු කරන්න. ඔබ ඔවුන්ගෙන් යමක් පි‍්‍රය නොකරන්නේ නම් ඔබට දෙවියන් වහන්සේ ආශීර්වාද කිරීමට එම කරුණම හේතුවීමට පුළුවන.”(ශු. කුර්ආන් 4:19)

කරුණාව දයාව මෙන්ම සාධාරණය සහිත පවුලක් නඩත්තු කිරීම හා සිය බිරිය සමඟ දිවි ගෙවන ලෙස ඉස්ලාමය අණ කරන අතර, ඇතැම්විට අමනාපයක් සිදුවුවහොත් එය මුල්කරගෙන දික්කසාදයට නොඑළඹෙන ලෙස ඔහුට අවවාද කරයි.

“සැමියා වෙතින් අකාරුණික බවක් හෝ අලස කමක් දුටුවිට තමන් අතර සමථයක් ඇතිකර ගැනීම වඩා හොඳය. මන්ද සාමය වඩාත් හොඳය.(අල්-කුර්ආන් 4: 18)

දික්කසාදයක් සඳහා ඉදිරිපත්වීමට පුරුෂයන්ට අවස්ථාවන් බහුලව තිබුන ද හිතුමතේට කටයුතු කිරීමට හෝ බිරියට හිරිහැර කිරීමට හෝ ඇය නිවසින් පිටමං කිරීමට හෝ කරදර වලට යොමු කිරීමට හෝ ඔහුට අයිතියක් නැත.
පවුල් ජීවිතයේ අත්විය හැකි ගැටලු හා අනවබෝධය තුරන් කර සාමකාමී හා ස්ථිර තත්ත්වයට නැවත ගොඩනැංවීම සඳහා සැමියාගෙත්, බිරියගේත් සමීපතම ඥාතීන් සහභාගී කර ගැනීම පිළිබඳව ද ඉස්ලාමය සඳහන් කර ඇත. මෙමගින් දෙපලගේම ආත්ම ගරුත්වය හා පුද්ගලිකත්වය ආරක්‍ෂා වන අතර දෙදෙනා දික්කසාදයෙන් මුදා ගැනීම සඳහා දැඩි අවශ්‍යතාවයක් සමීපතමයන්ට තිබෙන නිසා දික්කසාදයට යාමේ ඉඩකඩ බොහෝ සෙයින් අඩුවේ.

නමුත් අපහසුතා මධ්‍යයේ අපි‍්‍රයජනක වූ විවාහ ජීවිතයකට සදාකල් කොටු නොවී බිරියගේ අයිතීන් ආරක්‍ෂා කිරීමට ප්‍රායෝගික විසඳුම් ගණනාවක් ද ඉස්ලාම ඉදිරිපත් කරයි. ඒ අනුව පහත දැක්වෙන ඕනෑම කරුණක් ඇතුළත් කර ගැනීමට බිරියකට අයිතිය තිබේ.

අ. භාවමය නොගැළපුම
ආ. නඩත්තු නොසැපයීම
ඇ. අඩන්තේට්ටම්
ඈ. අනිසි ගමන් බිමන්
ඉ. සිය එකඟතාව නොලබා තව කෙනෙකු සමඟ විවාහ වීම.

මේ අන්දමට අවසන් කරනු ලබන විවාහ ගිවිසුමක දී ඉහත කරුණුවලින් එකක් හෝ උල්ලංඝනය කරනු ලබන විට නීතිමය ක්‍රියාමාර්ග ගැනීමට යම්කිසි බිරියකට අවකාශ තිබේ.

ඉස්ලාමය තුළ මෙන්ම විවාහය හා දික්කසාදය තුළ ද කාන්තාවගේ ඉතා සාධාරණ අයිතිවාසිකම් ආරක්‍ෂා කර තිබෙන්නේ මේ ආකාරයට ය.
සත්‍ය වශයෙන්ම ඉස්ලාමය තුළ කාන්තා භූමිකාව සම්බන්ධයෙන් ඇති තතු නොදැන වැරැදි මතයක පිහිටා සිටින අන්‍ය ආගමික ප්‍රජාව මෙවැනි ලිපි මගින් කාන්තාවට ඉස්ලාමය තුළ ලබා දී තිබෙන වැදගත්කම අවබෝධ කරගනු ඇත.

යම්කිසි ඉස්ලාම් භක්තියකුට සිය බිරිය දික්කසාද කිරීමට හේතු කෙතරම් තිබුණ ද ඉස්ලාමීය නීතියට අනුකූල නොවන කිසිදු හේතුවක් මත ඇයව දික්කසාද කිරීමට ඔහුට නොහැකිය.

එමෙන්ම යම්කිසි ස්ත්‍රීයකට සිය සැමියා දික්කසාද කිරීම සම්බන්ධව ඉතා වැදගත් කරුණක් ඉස්ලාමය තුළ පැහැදිලිව සඳහන් වේ.

එනම් සුව කළ නොහැකි ලාදුරු රෝගය , උමතුභාවය සංසර්ගයට බාධාවන ආකාරයේ ශාරීරික හා ලිංගික දුබලතා වැනි බරපතල හේතූන් මත සිය සැමියාගෙන් දික්කසාද වීමේ අයිතිය ස්ත්‍රීන් සතුය. මෙවැනි දික්කසාද ඉස්ලාම් නීති ශාස්ත්‍රයේ ‘’ෆස්හ්’’ නමින් හැඳින්වේ.
එවැනි මානව හිතවාදි හා සෙනෙහස සපිරුණු කරුණු කාරණා තිබුණ ද සැමියාට මෙන්ම බිරියටත් දික්කසාදයේ දී එක හා සමාන අයිතියක් තිබීමේ වැදගත් කම ඉස්ලාමය තුළ පැහැදිලිව සඳහන් වේ.

විවාහ ගිවිසුමෙන් වටහා ගන්නා ආකාරයට නඩත්තුව නොසපයන , පහසුකම් ලබා නොදෙන , හෝ ඒවා ලබා ගැනීමට බාධා ඇති කරන එසේ නොවේ නම් පවුල් ජීවිතයේ දී නොගැලපුම පවතින විටකදි ඉස්ලාම් දික් කසාද නීතියේ පිහිට පැතීමට ස්ත්‍රීයට පිළිවන.

තව ද සැමියා විසින් සිය බිරියගේ චරිතය, අවංක කම, පිරිසුදු කම, සතුටු කිරීමේ හැකියාව ආදීන් පිළිබඳව ඇය වෙත චෝදනා එල්ල කරනු ලැබු විට විනිශ්චයකරු ඉදිරියේ දී මෙම චෝදනා ඔප්පු කර දැක් වීමට නොහැකි වුවහොත් ඕ නිදහස් කරන ලෙස නියම කිරීමට විනිසුරුවරයාට පිළිවන.
සාධාරණ හේතූන් මත විවාහ ජීවිතයෙන් අනන්තයටම කළ කිරෙන බිරියක් දායාද වශයෙන් සැමියා විසින් ලබා දෙන ලද ධනයෙන් ප්‍රමාණවත් කොටසක් යළි ඔහුට ලබා දීමෙන් ද, දික්කසාදයෙන් පසුව මුල් මාස කීපය තුªªළ ගෙවිය යුතු නඩත්තුවලින් ඔහු නිදහස්කොට ද දික්කසාදය ලබාගත හැකිය.
එමෙන්ම සැමියා ආගියඅතක් සොයා ගැනීමට නොහැකි ලෙස අතුරුදහන් වූ මොහොතක හෝ ඇය හැර දමා පලා ගිය මොහොතක (සොයා ගැනීමට නොහැකි විටකදී) සිය ජීවිකාව ගෙන යාමට බිරියට නොහැකි වනවිට දික් කසාදය ඉල්ලා සිටීමට ඇයට හැකිය.

විවාහයේ දී ස්ත්‍රීයකට ලැබෙන වටිනාකම, ගරුත්වය ඒ ආකාරයෙන්ම දික් කසාදය තුළදීත් ආරක්ෂා කරදීම ඉස්ලාමයේ දක්නට ලැබෙන ඉතා වැදගත් ලක්ෂණයකි.

බහු විවාහ සංකල්පයේ දී ඉස්ලාමය තුළ සැමියා සම්බන්ධව ඉතා පක්ෂපාතිව කරුණු දක්වා ඇතැයි යන මතය ඉස්ලාමීය දික්කසාද නීතිරීති වලදි බිඳ වැටෙන බව මින් පැහැදිලි කර ගැනීමට ඕනෑම අයෙකුට හැකිය.

Read Full Post | Make a Comment ( None so far )

මොකක්ද මේ බුර්කා තහනම ?

Posted on June 2, 2011. Filed under: Uncategorized | Tags: , , , , , , , , |

ප්‍රංශය වගේම,ඖෂ්ට්‍රලිවත්, බංග්ලාදේශයත් බුර්කා තහනම් කරලු,
බුර්කා කියන්නේ මොකක්ද?
ඉස්ලාමිය කාන්තා අදුමද ?හිස් ආවරණයද ?
අපි බලමු මොකක්ද කියල.
බුර්කා තහනම කෙසේ වෙතත් ඇදුම වෙනස් වෙන්නේ නැහැ. බුර්කා,නිකාබ් තහනම් කරා කියන්නේ මොකක්ද?
ඇග වැහෙන්න අදින එක වැලකීමද?නැහැ කොහොමත් නැහැ
මොකක්ද මේ බුර්කා/නිකාබ්  කියන්නේ ?
බුර්කා,නිකාබ් තහනම් කලත් ඉස්ලාමිය  කාන්තා ඇදුම කිසිවිටක වෙනස් වෙන්නේ නැහැ.
*බුර්කා කියන්නේ කිසිවක් නිරාවරණය නොවන විදියට අදින ඇදුමක්.
*නිකාබ් කියන්නේ ඇස් දෙක පමණක් නිරාවරණය වෙන ඇදුමක්.
*හිජාබ් කියන්නේ හිස ආවරණය කරමින් මුහුණ හා දැගිලි පමණක් නිරාවරණය වන ඇදුමක්.
බුර්කා තහනම් කරා කිව්වම බොහෝ දෙනෙක් හිතන්නේ ඉස්ලාමිය කාන්තා ඇදුම තහනම් කල බවක්,ඇත්තටම එහෙම නැහැ.
ඇස් දෙක ආවරණය කරමින් අදින ඇදුම බුර්කා කියල හදුන්වනවා.ඉතින් එක තහනම් කලා කියන්නේ ඇස් දෙක නිරාවරණය කරන එක. ඒ නිසා ඇදුමේ හෝ හිස් අවරනයහි වෙනසක් වෙන්නේ නැහැ.
වඩා පැහැදිලි වෙන්න නම් පහත රුපය බලන්නකෝ.
Burqa+niqab
Burqa+niqab
බුර්කා තහනම් කලා කියන්නේ ඇස් හෝ මුහුණ නිරාවරණය කිරීමයි , ඉතින් එක ඉස්ලාමයට හෝ කාන්තා ඇදුමට කිසිදු වෙනසක් සිදුවෙන්නේ නැහැ.
බුර්කා,නිකාබ්,හිජාබ් ගැන නොදන්නා රාල අටුවාවේ පල කරමින් මුස්ලිම් නොවන ජාතින් නොමග යවමින් බොරු බේගල් දෙසා බාන බව පැහැදිලියි.
යර්සාද් ගොයියා පුරුදු විදියට කරන්නේ අතේ රෝල් අරින එකයි නොමග යවන එකයි. මේ අයට බොරු කියන එක පොඩි කාලේ ඉඳන්ම පුරුදු කොරනවද මන්දා.
ඔන්න දැන් බෞද්ධ යයි කියන පෙරමුණේ රාල අතේ රෝල් යවන්නේ කොහොමද කියල මට්ටු වෙලා ඉවරයි.
මුස්ලිම් නොවන අය අලුත් දෙයක් ඉගෙන ගන්න ඇති කියල හිතෙනවා.මොනවා හරි ප්‍රශ්නයක් තියෙනවා නම් කොමන්ට් කරන්න.
Read Full Post | Make a Comment ( 9 so far )

Liked it here?
Why not try sites on the blogroll...