මුස්ලිම්වරු හා ගව මස් – “ගව මස් නොකනු” ව්‍යාපාර

Posted on July 22, 2011. Filed under: කාලින, හෙළිදරව්ව | Tags: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , |

“ගව මස් නොකනු” ව්‍යාපාර සංඝයා වහන්සේලාත් බොද්ධ බැතිමතුන් පිරිසකුත් මෙරටේ පවත්වාගෙන යන්නේ මෙරටේ ඇති එකම පවත්,එකම ප්‍රශ්නයත් එය යන හැගීම ඇතිවදෝ සිතේ.එතරම් ප්‍රමුඛ ස්ථානයක් එයට දී ඇත.එසේම එම ව්‍යාපාරය එම අය කරගෙන යාම පිලිබදව අපගේ විරුද්ධත්වයක් නොමැත.එහෙත් එතුලින් මෙරට වෙසෙන මුස්ලිම් සමාජයට රූපවාහිනියෙන්, පුවත්පත් වලින්, අත් පත්‍රිකවලින් හා අන්තර්ජාලය තුලින් බැන වැදීම පිළිගත නොහැකිය.

ශ්‍රිලංකාවේ මස් මාංශ වෙළදාම කරන්නේ මුස්ලිම් වරුන් පමණක් නොවේ.මුස්ලිම් නොවන බෞද්ධ ,හින්දු හා ක්‍රිස්තියානි අයත් එම වෙළදාම කරති.මෙම වෙළදාමට අනුමැතිය දී ඇත්තේ රජයයි.ඊට කඩවල් ටෙන්ඩර් මාර්ගයෙන් වෙළදුන්ට පවරා දෙන්නේද රජයට අනුබද්ධ ආයතන වේ.කරුණු කාරණා එසේ තිබියදී මුස්ලිම් වරුන්ට බැන වැදීමෙහි තේරුමක් නැත.එපමණක් නොව, මුස්ලිම්වරුන් මස් කඩ දාපු පලියට බෞද්ධ ජනතාවට බලෙන් මස් කවන්න ගියේ නැත.මුස්ලිම් වරුන්ගේ මස් කඩ නැති නිසාම බෞද්ධ ජනතාව මස් නොකා සිටින බව තර්ක කල නොහැකිය.හේතුව මුස්ලිම් නොවන විශාල පිරිසක් මස් කඩ පවත්වාගෙන යාමයි.

එබැවින් මුස්ලිම් සමාජයට මෙය අරභයා බැන වැදීම මෝඩ කමකි.
බුදුරජාණන් වහන්සේ එකම එක සතෙක් (ගවයෙක්) මුල් කරගෙන “මස් නොකනු” යනුවෙන් දේශනා කලේ නැත.උන්වහන්සේගේ දේශනාව ඊට වඩා පුළුල් විය.
“ලොව ඇති කිසිම සතෙක් නසන්න එපා ” යන්න “පානාතිපාත වේරමණී සික්ඛා පදං සමාදියාමි ” යන සිල් පදයෙන් දේශනා කල සේක.

උන් වහන්සේ එසේ දේශනා කර තිබියදී සතුන් නොමැරීමේ ව්‍යාපාරය ගවයාට පමණක් සිමා කර ගැනීමේ අයිතිය ඇත්තේ කාටද? එය උන් වහන්සේට කරන අගෞරවයක් නෙමේද?

මෙරටේ ධිවර අමාත්‍යංශයක් තිබේ.රට වටේම මුහුදය.මාළු අල්ලන්නෝ බොහෝ සිටිති .මාළු,කරවල,උම්බලකඩ, ආහාර වශයෙන් ගන්නා බෞද්ධයන් එමටය.මේ හැර කුකුල් මස්,බිත්තර ,එළු මස්,උරු මස්,අනුභව කරන්නෝ අති විශාල පිරිසකි. කුභුරේ වැඩ ආරම්භ කල දින පටන් හල ටික ගෙදර ගේන කම්, කෙතරම් කුඩා සතුන් ,පනුවන් මැරෙනවද? මරනවද?

මේවා ගැන කිසිවක් කතා කරන්නේ නැත්තේ අයි ?

එළදෙන “කිරි අම්මා ” කියමින් එළදෙනගේ කිරි සැවොම බොති.පිටි කිරි හෝ වේවා එළදෙනගේ කිරි වලින් නිපද වුවකි.ඇත්තෙන්ම කිරි අම්මගේ කිරි ටික අයිති ඒ අම්මගේ පැටියටයි.එය පහර ගැනීම වරදක් නොවේද ?
මෙසේ බොහෝ කරුණු තිබියදී අප ඒ ගැන කතා නොකළේ බෞද්ධයන්ගේ සිත් රිදෙයිදෝ යන සැකයිනි.එහෙත් දැන් දැන් ගවමස් වලට එරෙහි ප්‍රචාරය කරන විලාසය හෙට දවසක සිංහල-මුස්ලිම් ජාතිවාදී ගැටුමකට මුල් වෙයිදෝ යන තත්වයක් අති වූ හෙයින් කතා කරමු.යම් කෙනෙක් හෝ සමාජයක් යම් දෙයක් පිලිබදව දරන මතය එළිදරව් කිරීමෙහි කිසිදු වරදක් නැත.එය ඒ අයගේ අයිතියක්. එයම සමාජය අතර ගැටුමක් ඇතී කරයි නම්,එවැනි ගැටුම් ඇතී කරන චේතනාවෙන් ප්‍රචාරය කෙරේ නම්,වන්නේ කුමක්ද? ගවයින් මරනවා වෙනුවට මිනිසුන් මැරීම නොවේද? එසේ කිරීම නිවැරදි බව කව්රුත් සිතනවද?
පන්සිල් පද තුල පරණ ඝාතනය පමණක් නොව තවත් ද කියවේ.”කාමේසු මිච්ජාචාර වේරමණී සික්ඛා පදං සමාදියාමි” “සුරාමේරය මජ්ජ පමදට්ඨාන වේරමණී සික්ඛා පදං සමාදියාමි.” යන ප්‍රධාන කරුණු දෙකකි.

මෙරටේ කාමය වරදවා හැසිරීමේ සම දොරක්ම විවෘතව ඇත.කුඩා දරුවන් මේවා නිසා සංචාරක ව්‍යාපාරය නමින් විකිනෙති.සමාජ ශාලා,ඝනිකා මඩම්,කැසිනෝ හල් තුලින් තරුණියෝ වැනසෙයි.තරුණ තරුණියන්ගේ ඇදුම් පැළදුම් නොයෙකුත් අතින් වැරදි කිරීමට මිනිසා පොලබවන සුළුය. මෑතකදී අත්අඩංගුවට ගත් ජනප්‍රිය නිලියන්ද විකිනෙන බව රහසක් නොවේ.
මෙරට මත්පැනට රාජ්‍ය අනුමැතිය ලබා දී ඇත.රටේ අස්සක් මුල්ලක් නැර, අරක්කු කඩ,රා තැබෑරුම් ඇත. මත්පැන් පානය කිරීමෙන් පවුල් දහස් ගණන් විනාශ වෙයි,මිනීමැරුම් ද ඇති වෙයි.
මගුල් ගෙදරටත්,මල ගෙදරටත්,දියණියගේ කොටහළු මන්ගල්‍යටත් මත්පැන් නැතිවම බැරිය.එපමණක් නොව පිරිත් කියන විට තවත් තැනක අරක්කු බෝතල් විවෘත වේ.එසේම අරක්කු සප්පායම් කරන්නන් හට උරු මස් ,ගව මස් කටගැස්ම සාදා දීමටත් පිරිත් ගෙදර කාන්තාවන්ට සිදු වී තිබේ.අපි අහන්නේ “ගව මස් නොකනු ” ව්‍යාපාරයේ නියමුවන්ට පන්සිල් වල ඇති මෙම කරුණු නොපෙනෙන්නේ ඇයි ? “ගව මස් නොකනු ” ව්‍යාපාරයට මෙන්ම මේවට විරුද්ධත්වයක්,මහා ව්‍යාපාරයක් ගොඩ නගන්නට තැත් න්කරන්නේ ඇයි ?

එම වෙළද ව්‍යාපාර සිංහල බෞද්ධ අය කරන නිසාද?
එසේ නැතිනම් , “බුදු හාමුදුරුවෝ ඒ ගැන කිව්වට අපි ඒවා වැඩියෙන් තකන්නේ නෑ” යන අදහස නිසාද?
ඇත්තෙන්ම, මෙම ගව මස් නොකනු ව්‍යාපාරය බොලද වුවකි.මෙම ව්‍යාපාරය තුලින් මුස්ලිමුන්ට බැන වදින අය කල යුත්තේ එය නොවේ.පළමුව, තමන් ගව මස් ගැනීමෙන් වැලකි,අනෙක් සම ප්‍රාණ ඝාතන ක්‍රියා,ධිවර අමාත්‍යංශ ද නැවත්වීමට රජයට බල කල යුතුය.රජයේ බහුතර බලය ඇත්තේ බෞද්ධ මැති ඇමතිවරුන් හා ජනාධිපති තුමා අතේය.
එවිට මුස්ලිම් වරුන්ගේ මස් කඩ ඉබේටම වැසේවි.ධිවරයිනුත් මුහුදට නොයයි.කුකුළු ගොවිපලවල්ද වැසේවි.ඌරු කොටුද නැති වෙයි.
මුස්ලිම් වරුන්ට මස් කෑම අනිවාර්ය නොවූවකි.අනුමත කල එකක් පමණි.එය කෑවත්, නොකැවත් එය ඔවුන්ට ප්‍රශ්නයක් නොවේ.මස්කඩ පවත්වාගෙන යැමත් ඔවුන්ට අනිවාර්ය වුවක් නොවේ.එසේ තිබියදී “ගව මස් ” මුවාවෙන් මුස්ලිම් වරුන්ට ඇගිල්ල දික් කිරීම විහිළුවකි. එයින් හෙට දවසක ජාති වැඩි ගැටුමක් ඇති වුවහොත් ඊට වගකිව යුත්තේ එම ප්‍රචාරණ කටයුතු වල නියැලී සිටින ඔවුන්ම බව වැටහ ගත යුතුය.
Read Full Post | Make a Comment ( 3 so far )

පාසල් පෙළ පොත් වල ඉස්ලාමය ගැන වැරදි අදහස්

Posted on July 21, 2011. Filed under: හෙළිදරව්ව | Tags: , , , , , , , , , , , |

අධ්‍යාපන ක්ෂත්‍රයේ නියැලී කටයුතු කරන නිලධාරී මහත්වරුන්ගේ අවධානයට පහත සදහන් කරුණු දෙක ඉදිරිපත් කරමු.

11 වසර සමාජ අධ්‍යයනය හා ඉතිහාසය සදහා රජයෙන් නිකුත් කල පොතේ 50 වැනි පිටුවෙහි මෙසේ සදහන් වේ.
මුස්ලිම් කාන්තාව ආගමික වත්පිළිවෙත් කිරීමට දේවස්ථානයට ඇතුළුවීමට නිදහස නැති තැනැත්තියකි.
2001 වර්ෂයේ අ.පො.ස. (ස:පෙළ) විභාගයේ සමාජ අධ්‍යයනය හා ඉතිහාසය 11 ප්‍රශ්න පත්‍රයේ 7 III වන ප්‍රශ්නය මෙසේ විය.
ජන සංඛ්‍යා අනුව ලෝකේ සිටින ස්ත්‍රී හා පුරුෂ සංඛ්‍යාව බොහෝ දුරට සමාන වුවද,ඇතැම් සමාජ වල ස්ත්‍රියට ලැබී ඇත්තේ පුරුෂයාට වඩා අඩු තත්වයකි.නිදසුන් දෙකක් ඇසුරෙන් මේ බව පැහැදිලි කරන්න.
මෙයට අපේක්ෂිත උත්තරයක් ලෙස මාස්ටර් ගයිඩ් ප්‍රකාශනයේ පසුගිය විභාග ප්‍රශ්නෝත්තර මෙසේ සදහන් වී ඇත.
මුස්ලිම් කාන්තාවකට හිමි සම අවස්ථාවන් ආගමික නිතිය යටතේ තහනම් කර තිබීම නිසා ඔවුන් සමාජයේ පහත තත්වයට අද වැටි ඇත.ඔවුනට ආගමික ස්ථාන වලට ඇතුළු වීමට අයිතියක් නොමැත.රැකියාවල නියුතු වීමට, අධ්‍යාපනය ලැබීමට,දේශපාලන කටයුතු වල නිරත වීමට ඇති නිදහස සිමා සහිතය.
ඉස්ලාමය ගැන ,මුස්ලිම් සමාජය ගැන නැතිනම්,ඉස්ලාමිය සංකෘතිය ගැන නොදැන හෝ වක්‍රව මෙවන් කරුණු දරු දැරියන් ඉගෙනුම ලබන පෙළ පොත් වල සදහන් වීම බලවත් වරදකි.
ඉස්ලාමය කවදත් කාන්තාව පහත් කොට සලක නොමැත.එසේම ඇය අඩ නිරුවතින් සැරිසරන්න හෝ වෙළද භාණ්ඩයක් ලෙස නස්ති වන්නත් ඉඩ තබා නැත.ඇයට ඇයගේ ස්වභාවික තත්වයට අනුව රැකි රක්ෂා කිරීමටත්,අධ්‍යාපනය ලබා ගැනීමටත්,සමාජ සේවා කටයුතු වල දී සේවය කිරීමටත් අයිතියක් ඉස්ලාමය තුලින්ම ලැබී ඇත.
ඇය ආගමික ස්ථාන වලින් ඇත් කොට  තබා නැති බවත් සදහන් කල යුතුය.
ඒ කෙසේ වෙතත් ලංකික සම ජතින්ටම පොදු වූ අධ්‍යාපන ක්ෂේත්‍රය තුලින් එක ජාතියකට පහර ගැසීම නැතිනම් ඉස්ලාමය හා මුස්ලිම් වරුන් ගැන වැරදි වැටහීමක් ගෙන දීමට උත්සහ කිරීම වැරදි ක්‍රියාවකි.
ගරු ජනාදිපති තුමාටත්,මේ ගැන අප දැන්ව ඇත්තෙමු.එබැවින් මෙය නිවැරදි කරන අතර මින් ඉදිරියට මොනම සමාජයක අයගේ හෝ සිත් රිදවන මෙවැනි වැරදි නොවන සේ ක්‍රියා කරන මෙන් අදාල නිලධාරී මහත්වරුන්ගෙන් ඉල්ලා සිටිමු.
අතිගරු ජනතිපති තුමා හා ගරු අධ්‍යාපන ඇමති තුමාද, මේ ගැන සොයා බල අවශ්‍ය කටයුතු කරනවා ඇති අපේක්ෂා කරමු.
Read Full Post | Make a Comment ( None so far )

නිවුණු සිත දවාලන අපේ හාමුදුරුවන්ගේ බන පදය.

Posted on July 19, 2011. Filed under: හෙළිදරව්ව | Tags: , , , , , , , , , , , , , , , , , , , , , , , , , , , , , , , , , , , , , , , |

බන පදයක ඇති දහම් සිසිල දැවුණු සිත දවාලන අමා දියකි.බුදුන් වැඩිය මේ රුවන් පොලොව මත දිවි ගෙවන අපේ දේශයේ මුර දේවතාවන් බදු වූ මෙරට බික්ෂුන් වහන්සේලා අද මේ සිත දැවීම හා නිවීම යන කාර්යයන් දෙකටම අත ගසා තිබීම බහුලව දක්නට ලැබෙයි,සිත නිවාලන කතා පමණක් දෙසීම උන්වහන්සේලාගේ පරම යුතුකම බව අමතකව ගිය නිසාදෝ දැන් දැන් වැඩිපුරම ඇසෙන්නේ සිත දවන කතාය.

එක්තරා සුප්‍රකට බෞද්ධ හිමිනමක් විසින් කරන ලද දේශනයක් මුස්ලිම් අපගේ හද දවා දැමු ආකාරයයි. කණගාටුවට කරනවා නම්,එකී භික්ෂුන් වහන්සේ නැවත නැවතත් රුපවාහිනී නාලිකා ඔස්සේද මෙබදු දේශනයන් පවත්වන්නට යෙදීමයි.
සජීවීව රුපවාහිනී නාලිකාව ඔස්සේ ගෙන ආ ධර්ම දේශනයයි.සුවහසක් බෞද්ධ ,අබෞද්ධ ජනයා අස සිටි ඒ දම් දෙසුම මෙසේ ගල ගියේය.
“මුස්ලිම් අය තමයි අද මේ රටේ කුඩු බිස්නස් කරන්නේ,එයාල ආර්ථක අතින් ශක්තිමත් වෙලා ඉන්නේ කුඩු බිස්නස් කරලා.මන් මේ මුස්ලිම් අයගෙන් ඉල්ලා සිටින්නේ ඔය ඇත්තෝ ධාර්මිකව හම්බ කරන්න.මේ රටේ එහෙම කුඩු බිස්නස් නිදහසේ කෙරුවට අරාබි රටේ එව්වා කරන්න හම්බ වෙන්නේ න ,මොකද එහෙ නීති මෙහෙ වගේ නෙවෙයි.”
මෙම ප්‍රකාශය තුල ඇති ද්වේශ සහගත බව හා දරුණු බව වැටහෙනුයේ එය ගැබුරින් විමසා බලද්දිය.මුස්ලිමුන් අර්තකව ශක්තිමත් වී ඇත්තේ මත් කුඩු ජවරමින් බව ඔබ වහන්සේ පවසයි මුළු මුස්ලුම් සමාජයම අර්තකව ශක්තිමත් නොවන නමුදු මෙවන් චෝදනාවක් සුළු ජාතික පිරිසක් වූ මුස්ලිමුන් වෙත එල්ල කලත් අප වෛර නොකරමු. ස්වාමින් වහන්ස ! එක් මකුනකු සපා කෑ විට  මකුණන් සියල්ල මරා දැමීම පාරම්පරික සම්ප්‍රදායකි.එකී සම්ප්‍රදායෙන් පිට පැනීම ඔබ වහන්සේට ද අසීරු වී ඇත.මම මුස්ලිමුන්ට සුදු හුණු ගන්නට තැත් නොකරමි.
නමුදු, මොහොමඩ් හෝ අහමඩ් හෝ ෆාතිමා යැයි කියූ පමණින්  ඔවුහු මුස්ලිමුන් නොවෙයි.නමින් පමණක් මුස්ලිම් වූ එක් අයෙකු දෙදෙනෙකු සිදු කරන පහත්කම් නිසාවෙන් මුළු මහත් මුස්ලිම් සමාජයම ධාර්මිකව මුදල් උපයන්නේ නැති බව හා මුළු මුස්ලිම් සමාජයම මත කුඩු ජාවාරම් කරන්නේය යනුවෙන් පැවසීම සාපරාධි ප්‍රකාශයකි.
මෙරට තැබෑරුම් වල අයිති කරුවෝ බෞද්ධයෝය.එපමණක් නොව කැසිනෝ ශාලා,සුදු පොළවල්,කැරෝකේ ක්ලබ් ,නගරයක් පාසා විවෘතව පවතින ආයුර්වේද ගණිකා මඩම් ද,එපමණක් නොව, මෑතකදී කුඩු ලාලිත හා දේශපාලනයේ නියුතු සිල්වා ලාගේ මත් කුඩු ජාවාරම් ගැනද,මේ ධර්මද්වීපයේ ගංජා වවන්නෝ බෞද්ධයෝ නොවේද යන්න , ඔබ වහන්සේ මුනිවත රකින්නේ මන්දැයි මා නොදනිමි.

බෞද්ධ භික්ෂුන් වහන්සේ නමකගේ මෛත්‍රී සහගත බවට පටහැනි එබදු කතා වගකිව යුතු හිමි නමක් විසින් ප්‍රකාශ නොකළ යුත්තකි.අද මත කුඩු ජාවාරමට හවුල්ව ඇතිනම් පමණක් මුස්ලිම් වූ අධමයන් සැබවින්ම “කුලියට ” මුස්ලිම් නම් යොදාගෙන තිබෙනවාදැයි නොදනිමි.ඇතැම් විට ඔවුන්ගේ සමහරෙක් මුස්ලිම් නමින් වෙස් වලාගත් බෞද්ධ හෝ කතෝලික හෝ හින්දු අයද විය හැක.ම මෙසේ පවසන්නේ හේතු සාධක සහිතවය.

නොබෝද මා කොලබ නගරයේ වුවමනාවක් සදහා සිටින විටදී මා ගමන් ගත් වහනය නැවත තිබු ස්ථානයට එක  මුස්ලිම් කාන්තාවක් පැමිණ මුදල් ආධාරයක් ඉල්ලා සිටියාය.ය හිජාබයකින් හිස වසා සිටි බැවින් සැකයක් ඇති නොවුනි.ඇයට මුදලක් පරිත්‍යාග කිරීමට සැරසුණා පමණි.තවත් මුස්ලිම් කාන්තාවක් පැමිණ

” මල්ලි.. මේ කෙනාට සල්ලි දෙන්න එපා .මෙයා මුස්ලිම් නෙමේ බොරුවට හිජාබයක් දා ගෙන ඉන්නේ .ඔයාලව රවට්ටන්න.මෙයා හවසට හිජාබය ගලවල ඇත බලල සාස්තර කියනවා.මල්ලි මන් කියන්නේ බොරු නම්,මෙයට කලිමාව කියන්න කියල කියන්න.මෙයා බොරු කාරියක්.මේ ටව්මේ ඉන්නේ මුස්ලිම් ටික දෙනයි ඒ ය විතරයි ඇත්තටම මුස්ලිම්.මෙයා මෙතන බොරුවට ඔලුව වහගෙන ඉන්නේ,මුස්ලිම් විදියට රගපාල අපිවයි ආගමයි දෙකම පාවල දීල සල්ලි හම්බ කරනවා.”
මම පුදුම වුනෙමි.පෙර පැමිණි කාන්තාවගෙන් මා කලිමාව විමසීමි.එකෙනෙහිම ඇය දිව ගියාය.මේ සිදු වීම සත්‍යයකි.
මෙලෙස කොතෙක් නම් ව්‍යාජ ෆාතිමා ලා, ව්‍යාජ මොහොමඩ් ලා,සිටිය හැකිද? ගරුතර ස්වාමින් වහන්ස,තත්වය මෙසේ තිබියදී ඉදින් තව කුමක් පැවසිය යුතුද?
ඒ කෙසේ වුවද මුස්ලිම් නමක් තිබු පමණින් ඔහු මුස්ලිම් වරයෙකු නොවේ.එසේම ඇත්තෙන්ම එක් මුස්ලිමෙකු අධාර්මිකව මුදල් ඉපයුවාට මුළු මුස්ලිම් සමජයමටම දොස් පැවරීම නොකරන්න. එය බෞද්ධ ධර්මයේ එන පංච ශිලයෙහි සිව්වැනි ශික්ෂා පදය වූ “මුසාවාද වේරමණී…” සිලපදය බිද දැමීමකි.

එසේම ඔබ වහන්සේ පවසා සිටිය ,අරාබි රටේ මේ පාපකාරී ක්‍රියාවන් කල නොහැකි බවත්,එහි නීති රීති දරුණු බවත්ය.

ගරුතර ස්වාමින් වහන්ස ! ඔබ වහන්සේට එසේ වැටහී තිබීම ඉතා සතුටට කාරණයකි.එහෙත් මම ඉතා ගෞරවයෙන් කියනු කැමැත්තෙමි.එය අරාබි රටේ අරබිකරයාගේ නිතිය නම් නොවේ,එය මෙලොව මවා මිනිසා ඇතුළු සියලු වස්තුන් නිර්මාණය කල අල්ලාහ් දෙවිදුන්ගේ නීතියයි.එකී නිතිය අරාබිකරයේ ක්‍රියාත්මක වනුයේ එය මුස්ලිම් රාජ්‍යයක් නිසාවෙනි.සැබෑ මුස්ලිමුන්ට අල්ලාහ්ගේ නීතියට පිටුපා නොහැක.එකී නිතිය පිටු පාන්නා සැබෑ මුස්ලිමෙකු නොවේ.
එහෙයින් ඔබ වහන්සේට වැටහෙනු ඇත.සැබෑ මුස්ලිම් භක්තිකයා අල්ලාහ්ගේ නීතියට යටත් වන අතර පාපකාරීන් හට එකී නීතියෙන් කිසිදු සමාවක් නොවන බව.ඔබ වහන්සේ පවසන පරිදි මෙරට මත් ද්‍රව්‍ය ජාවාරම්  නිදහසේ කල හැක්කේ,අල්ලාහ්ගේ නිතිය නොමැති නිසාය.සර්ව සාධාරණ වූ එම නිතිය මනුෂ්‍ය මවා පෝෂණය කරන්න වූ අල්ලහ්ම නිර්මාණය කල බැවින් එම නිතිය යටතේ පව්කාරයට සමාවක් නොමැත.එම නිතිය මෙරට පමණක් නොව ලොව කිසිම නීතියක් හා සමකල නොහැක.එය ඔබ වහන්සේලාද අනුගමනය කල මැනවි.එවිට සැබවින්ම ඔබ වහන්සේලා පතන ධර්ම රජ්‍යයය මෙහි ගොඩ නගන්නට හැකි වනු ඇත.මන්දයත් පාපතරයා හා වැරදි කරන්නන්හට බුදුන් වහන්සේගේ අවිහිංසාවාදී පිළිවෙත නොගැලපෙන බැවිනි.
අනෙක් කරුණ නම්,ඔබ වහන්සේගේ දේශනයේ මෙසේද පවසනු අසන්නට ලැබිණි.
“….. දැන් මේ මුස්ලිම් ඥතිවරුන්ට ,කතෝලික ඥතිවරුන්ට,හින්දු ඥතිවරුන්ට මන් කියන්න කැමතියි.ඔය අත්තොන්ට වුනත් ස්වර්ගයට යන්න අවශ්‍ය නම්,පංච ශිලා ප්‍රතිපත්තිය අනුගමනය කරන්න ඕන.අපේ බෞද්ධයෝ වුනත් එහෙමයි.බුදු හාමුදුරුවෝ පෙන්වා දුන් සීල,සමාධි,ප්‍රංඥ මාර්ගයන්හි යමින් පස් පවින් වැළකෙන්න ඕන.ඔය අත්තොන්ට තව අවුරුදු කෝටියක් ගිහින් හරි බුද්ධාගමට අවේ නැතිනම්, කතෝලික ඇය දවසට හා සැරයක් නෙමේ සිය සැරයක් ඥ්යා කලත් වැඩක් නැහැ.මුස්ලිම් ඇය දවසට පස් සැරයක් නෙමේ සිය සැරයක් වැන්දත් වැඩක් නැහැ.ඔය ඇත්තන්ට ස්වර්ගයට නම් කවදාවත් යන්න බැහැ.එකට මේ බෞද්ධ මාවතට පිවිසෙන්න ඕන.ආතර්.C . ක්ලාක් වරක් කියල තියෙනවා මේ ලෝකේ තියෙන හැම දහමක්ම විනාශ වෙලා යනවා.අන්තිමේදී බුදු දහම පමණයි ඉතිරි වෙන්නේ කියල…..”

ගෞරවනීය ස්වාමින් වහන්ස! ඔබ වහන්සේගේ විවෘත ආරාධනාවට මා තුති පුදමි.අප සැමට ස්වර්ගය කරා ලගා විය හැකි මාවත ඔබ වහන්සේගේ දැනුමට අනුව පෙන්වා දීම සතුටට කරුණකි.නමුදු අන්‍ය ආගමිකයන් වූ අපට පස් පවින් වළකින්නට ප්‍රථම, එය අනිවාර්යය වූ බෞද්ධයෝ එය පිළිපැදිය යුතු නොවේද?

 

සැබවින්ම මුස්ලිම් වන අපට නම්,පස් පවින් වැලකීම ඉතා පහසුවෙන් කල හැක.මන්ද යත් ඉස්ලාමය අහේතුකව පර පණ නැසීම,සොරකම් කිරීම,බොරු කීම,කාමයේ වරදවා හැසිරීම,මද්‍යසාර හා මත් ද්‍රව්‍ය භාවිතය යනාදී වූ පස් පව් ඉතා තදින් බැහැර කරන අතර අල්ලාහ් දෙවියන් වහන්සේ ඒ වැරදි සදහා දැඩි දඩුවම් හා නීතිරීති පනවා ඇති බැවිනි.

නමුදු බුදු දහමේ අනිවාර්ය සාදකයක් වූ මේ පස් පවින් වැලකීම අද බෞද්ධයා තුල නැත්තේ ඔවුන් පවට මෙන්ම දදුවමටත් බිය නොමැති නිසාය.එසේ තිබුණා නම්,අද මේ ධර්මද්වීපයේ අඩියෙන් අඩියට තැබෑරුම් විවෘත වන්නේ නැත.සුදු කඩ විවෘත වන්නේ නැත.පිය දුව නොහදුනන,පුතා මව නොහදුනන,අය්යා නංගි නොහදුනන,ජඩ සංස්කෘතියක් බිහි වන්නේ නැත.තම සාස්තෘ නායකයාණන් වූ බුදුන් වහන්සේගේ බුදු පිළිම හාරා පෞරාණික වස්තු (නිදන්) සොරකම් රටේ ප්‍රචලිත වන්නේ නැත.බිරිද සැමියා මරා දමන,සැමියා බිරිද මරා දමන,පිළිවෙත දියත් වන්නේ නැත.ගල් පැලෙන බොරු කියා තම මදිය තර කර ගැනීමේ ප්‍රෝඩාවන් බිහි වන්නේ නැත.මෙවන් අවධියක  ඒ බුදු පිළිවෙත අනුගමනය කරන්නට ඔබ වහන්සේ ආරාධනා කිරීම පැසසිය යුතුය.
ස්වාමින් වහන්සේ මෙසේද පැවසුහ.
“……….. කතෝලික අය කරන්න තියෙන සේරම නොපනත්කම් කරලා සල්ලි හම්බ කරනවා.මුස්ලිම් අය කරන්න තියෙන සේරම නොපනත්කම් කරලා සල්ලි හම්බ කරනවා.හින්දු අය කරන්න තියෙන සේරම නොපනත්කම් කරලා සල්ලි හම්බ කරනවා.බෞද්ධ අයගෙන් ඇතැම් අය කරන්න තියෙන සේරම නොපනත්කම් කරලා සල්ලි හම්බ කරනවා….. “

ගරුතර ස්වාමින් වහන්ස! මෙහිදී ඔබ වහන්සේ සැබෑ ලෙස සීල,සමාධි,ප්‍රඥ වදන බෞද්ධ භික්ෂුවක සේ ක්‍රියා කොට නොමැති බව මගේ අදහසයි.එම ප්‍රකාශය තුල ඇත්තේද,සමානාත්මතාවය නොව අසමනාත්මතවයයි.  බෞද්ධයන්ගෙන් පමණක් ඇතැම් අය නොපනත් කම් කරන අතර අන්‍ය ආගමිකයෝ සියලු දෙනාම නොපනත් කම් කරතියි පැවසීම ඊට සාක්ෂියකි.

තව දුරටත් උන්වහන්සේ මෙසේද පැවසුහ.

“… මං ඉන්න කොළඹ 07 විපස්සනා භාවනා මධ්‍යස්ථානයට කතෝලික අය එනවා.හින්දු අය එනවා.මුස්ලිම් අය පල්ලියට හොරෙන් ඇවිල්ල භාවනා කරලා හොද මුස්ලිමුන් වෙලා යනවා….. ”

ගරුතර ස්වාමින් වහන්ස!

ඉස්ලාම් ධර්මයේ එන ලෞකික හා ලෝකාන්තර සුවය අන් කිසිදු ධහමකට දෙවැනි වන්නක් හෝ සමකල හැක්කක් නොවේ.මේ පරම පිවිතුරු දහමෙහි නොමැති ශාන්තියක් වෙනත් දහමකින් පතා යන්නෝ ඉස්ලාමය හරි හැටි නොදන්නා,නමට පමණක් සිමා වූ මුස්ලිමුන්ය.ඔවුහු සැබෑ මුස්ලිමුන් නොවේ.ඔවුහු පල්ලියට හොරෙන් ගොස් භාවනා කරන තරමට බාධාවක් ඉස්ලාමයයේ ඔවුන්ට පනවා නොමැත.අවශ්‍ය නම් එළිපිටම එය සිදු කල හැක.එහෙත් එය පල්ලියට හොරෙන් කරනුයේ එය වරදක් බව ඔවුන්ම දන්නා බැවිනි.

“හොද” මුස්ලිමුන් වීම කෙසේ වෙතත් “ව්‍යාජ” මුස්ලිමුන් වීම නම්,අනිවාර්යයෙන්ම සිදු වනු ඇත.

බුදු දහම හැර අන් සියලු දහම් මිත්‍යා දෘෂ්ටිකයින්ය,යනුවෙන් පවසන ඔබ වහන්සේ සැබවින්ම අවන්කවම කතා කරන්නේද යන්න මා නොදනිමි.

අවසානයේ සියලු දහම් විනාශ වී බුදු දහම පමණක් ලොව ඉතිරි වන්නේ නම්,බලෙන් ආගමට හැරවීමට විරුද්ධ යැයි පවසමින් පනත් ගෙන ඒමට මේ සා වෙර දරනුයේ මන්ද යැයි අප නොදනිමු.අවසානයේ සියල්ලෝම බෞද්ධ වන්නේ නම්,අන්‍යාගම් කර බෞද්ධයෝ ඇදී යාම පිළිබද අනවශ්‍ය බියක් ඇති කර ගත යුතු නැත. 

ගරුතර ස්වාමින් වහන්ස!

ඉස්ලාමයේ නම් පාරම්පරික මුස්ලිමුන් හෙවත් උපතින් මුස්ලිම් වුවන් පමණක් නොව දැනුමෙන් හා අවබෝධයෙන් ධර්මය සොයා පැමිණි බොහෝ අන්‍යගමිකයෝද වෙති.කිසිවෙකු ඔවුහු බිය වද්දා බලෙන් ඉස්ලාමයට හරවාගෙන නැත.එසේ සිදු කිරීම ඉස්ලාම් ධර්මය සපුරා තහනම් කොට ඇත.නමුදු උපතින් මුස්ලිම් වුවන්ට වැඩ දැඩි ස්ථිරසාර ආගමික ස්ථාවරයක ඔවුහු සිටිනුයේ ඔවුන්ගේ දැනුම හා අවබෝධය මත ඔවුන් ඉස්ලාමය වැළද ගත් හෙයිනි. බුදු දහමටද එවන් යුගයක් එලභිම සිදුවන්නේ නම් අප කිසිවකුත් කිසිදු ද්වේශයක් හෝ ඉරිසියාවක් නොකරන බව දන්වා සිටිනු කැමැත්තෙමි.

නමුදු හිතා මතාම,එකී ද්වේශය අප හදවත් තුල වපුරන්නට මෙවන් දේශනයක් මින් මතු සිදු නොකරන ලෙස මා ඉතා සුහදශීලිව ඉල්ලා සිටිමි.

Read Full Post | Make a Comment ( None so far )

මුහුදු මහා විහාරය ආක්රමනය කරන්නේ මුස්ලිම්වරුද?

Posted on July 1, 2011. Filed under: හෙළිදරව්ව | Tags: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , |

ශ්‍රී ලංකාවේ  නැගෙනහිර අග්නිදිග දිශාවේ බහුතර මුස්ලිම් වරුන්ගෙන් සමත්විත පැරණි ගම්මානයකි පොතුවිල.මෙහි මුස්ලිම්වරුන් 29950 ද,දෙමල ජාතිකයින්  5129 ද,සිංහල  ජාතිකයින්  831 ද, ඉතාමත් සමගියෙන් හා සමයෙන් ජිවත් වෙති.සුනාමියට පෙර ගනු ලැබූ සන්ගනනයන් අනුව  85.05% මුස්ලිම් වරුන්ද ,10.22 % දෙමල ජාතීන්ද,2.44 % සිංහල ජාතීන්ද, සිටි බව තොරතුරු හෙළිවේ.

සුනාමියෙන් පසුව සහනාධාර කටයුතු සදහා ඒ ප්ප්‍රෙදේශයට පැමිණි ජ.වී.පෙ හා හෙළ උරුමය විසින්ද පිට පළාත් වලින් පැමිණි ඇතැම් සිංහල සංවිධාන විසින්ද,එම ප්‍රෙදේශයේ  ජාතික සමගියට එරෙහිව කටයුතු කර ඇති බවට මැනවින් පැහැදිලි වේ.

සුනාමියෙන් පසු මුස්ලිම්වරු බහුතරයක් පදිංචි ප්රෙදේශවල අලුතින් “බුද්ධ ප්‍රතිමා” ඉදිකිරිමෙන්ද,පුරාවස්තු සදහා පරීක්ෂණ පැවැත්වීම නමින් මුස්ලිම් වරුන්ට් අයත් බිම බලහත්කාරයෙන් සතුකරගෙන “බෞද්ධ සංඛේත” තැබීමද ,ප්‍රදේශයේ නොයෙකුත් ස්ථානවල (මාර්ග සංවර්ධන අධිකාරියට අයත් ) බෞද්ධ විහාර ,බෞද්ධ ආරාම හා බෞද්ධ දහම් පාසැල්  ඉදිකිරීම්ද, මෙම ප්‍රශ්නයට තුඩු දුන් මුලික කරුණු විය.

සුමාත්‍රා දුපත්වල සිදු වූ භූ කැපව හේතු කොට ගෙන ශ්‍රිලංකාවේ මුහුදු බද ප්‍රදේශ විනාශයට පත් වුහ.පොතුවිල් ප්‍රදේශය සුනාමියෙන් පසුව එහි මුස්ලිම් වරුන් බහුතරයක් ජිවත් වන ගම්මාන වල අලුතින් බුද්ධ ප්‍රතිමා ඉදිකිරීම් ආරම්භ කෙරිණි.එපමණක් නොව,බෞද්ධ විහාරද,බෞද්ධ ආරාමද,බෞද්ධ දහම් පාසල්ද,අළු?හීන ඉදිකරනු ලැබුහ.

මෙවැනි බෞද්ධ සිද්ධස්ථාන සුනාමියට පෙර තිබී සුනාමියෙන් පසු ඒවා ප්‍රතිසංස්කරණය කරනු ලැබුවේ  නම්,ඒ පිලිබදව ප්‍රශ්න කල නොහැකිය.එහෙත් සිදු වුයේ වෙනත් දෙයකි.එනම් මුස්ලිම් වරු බහුතරයක් ජීව?හ ඇන ගම්මාන වල සුනාමියේ ප්‍රතිපලයක් ලෙස අලුතින් බුද්ධ ප්‍රතිමා බිහි වීමයි.එයට්  ශ්‍රීලංකා හමුදාව තම සහයෝගය දැක්වීමද,ආරක්ෂක අංශ වලට අයත් වාහන වල බෞද්ධ කොඩි රදවා ගෙන ප්‍රදේශය පුරා  ගමන්  කරමින් කඩිනමින් ක්‍රියාත්මක වීමද,ප්‍රදේශ වාසි මුස්ලිම්වරුන්ගේ සැකයට හේතු විය.සුනාමියට පෙරත්,පසුත්, පොතුවිල් ප්‍රදේශයට  පැමිණි ඇතැම් පිරිස් සැලසුම් සහගතව “අපේ ගම ” “අපේ රට‍ ” ඔක්කොම අපගේ “  යනුවන් ගෝෂා  කරමින්  සිදු කල දේ පහතින් දැක්වේ.

පුරා වස්තුන් පිළිබද පරීක්ෂණ

  1. ජමා ඇතුල් මුස්ලිමින් චතුරශ්‍රයේ මුහුදු වෙරළේ මුස්ලිම් වරුන්ට් අයත් ඉඩමක් ඇත.එම ඉඩමේ “පුරාවස්තු පිළිබද පරීක්ෂණ ” යන්නෙන් සලකුණු කරනු ලැබිණි.ඉන්පසු එම කාර්ය සදහා හිමි නමක් පත් කරන ලදී.එහි ප්‍රතිපලයක් වශයෙන් උන්වහන්සේගේ නවාතැන් සදහා එහි ආරාමයක් තනන ලදී.

ඉන්පසු පොතුවිල් අරුගම්බේ ප්‍රධාන විදියේ “මුහුදු මහා විහාරය ” නමින් නාම පුවරුවක් තබන ලදී.ඇත්තෙන්ම එය 4 වන කොට්ඨාශයේ  “මස්ජිදුල් ‍ෆලාල් පල්ලි විදිය ” නමින් දිගු කාලයක් තිස්සේ නම් කර තිබු විදියකි.

ඉන පසුව මුස්ලිම් වරයෙකුට අයත් ඉඩමක් බලහත් කාරයෙන් පවරාගෙන බෞද්ධ ආරාමයක් ඉදි කිරීමට අන්තිවරම් දමන ලදී. දැනට එහි බෞද්ධ දහම් පාසලක්ද පැවැත්වේ.දැනඒ දිවා  රැ රජයේ හමුදාව එහි වැඩම සිටින භික්ෂුන් වහන්සේ ආරක්ෂා කරමින් සිටිති. මෙහි පුදුමයට කරුණක් නම්,එකම සිංහල පවුලක් හෝ සිංහල සහෝදරයෙකු ඒ අවට පදිංචිව නොසිටීමයි.මේ කටයුතු සියල්ල සිදුවන්නේ 100% මුස්ලිම් වරුන් පදිංචිව සිටින ගම්මානයකය.

එම ස්ථානයේ සිට ප්‍රධාන පාර ට ආසන්න වශයෙන් කි.මි. 2 දුරක් ඇත.ඇතැම් පිරිස් විසින් රජයේ හමුදාව හා එක්වී විහාරයක් වත් නොමැති විදියක් වන මස්ජිදුල් ‍ෆලාල් පල්ලි විදිය “මුහුදු  මහා විහාර විදිය ” යන්නෙන් වෙනස් කර නාම පුවරුවක් තබා ඇත.එම නාම පුවරුව ඔවුන් විසින්ම විටින් විට මකා දැමීම සිදුවෙමින් පවතින .අවසානයේදී සිමෙන්ති ගල්  වලින් එම ස්ථානයේ ගොඩනැගිල්ලක් ඉදි කර එහි “මුහුදු මහා විහාර විදිය ” යන නාම පුවරුව තබා ඇත.මෙයද මුලදී, “පුරාවස්තු පිළිබද පරීක්ෂණ ” නමින් සංඛේතවත් කරනු ලැබ පසුව , බෞද්ධ විහාරයක් වශයෙන්ද,බෞද්ධ ආරාමයක් වශයෙන්ද,බෞද්ධ දහම් පාසලක්‌ වශයෙන්ද,මාරු කරන ලදී.ඉන්පසුව භික්ෂුන් වහන්සේ නමක් එහි ස්ථිරව පත් කරන ලදී.

  1. පොතුවිල් සෙන්ගමමි ප්‍රධාන විදියේ තුන්වැනි සැතපුම් කනුව නමැති ස්ථානයේ පොලිස් මුර පොලක් ඇත.ඊට සමීපව මුස්ලිම් වරුන්ට අයත් බිම් ප්‍රදේශයක “පුරාවස්තු පිළිබද පරීක්ෂණ ” යනුවෙන්  සංඛේතවත් කර එහි වටේ කොන්ක්‍රීට් කණු සිටුව ඇත.එම කොන්ක්‍රීට් කණුවල “පුරා විද්‍යා දෙපාර්තුමේන්තුව ” යන්නෙන් ලියා  ඇත.එම ස්ථානය රජයේ හමුදාව යටතේ ආරක්ෂා කරමින් පවතී.
  2. පොතුවිල්-නවලාරු ප්‍රධාන විදියේ චක්‍රවෙලි විශේෂ හමුදා බලකායේ කදවුර පිහිටි ස්ථානයට ඉදිරියෙන් මුස්ලිම් වරුන්ට් අයත් ඉඩමක් ඇත.එම ස්ථානයේද පුරාවස්තු සදහා පරීක්ෂණ යන්නෙන් බෞද්ධ චක්‍ර සලකුණු සංඛේතවත් කර ඇත.මෙහිදී පුරා විද්‍යා දෙපාර්තුමේන්තුව යන්න ඒ වටා ඉදිකර ඇති කොන්ක්‍රීට් කණුවල සිංහල අකුරින් ලියා ඇත.එම ස්ථානයේද රජයේ හමුදා පාලනය කරයි.
  3. මුදලයිමලයි-කුදක්කල් මලයි. — කුරයිකදල් රොක් නමැති ස්ථානය පුරාවස්තු පරීක්ෂණ නාමයෙන් සංඛේතවත් කර ඇත.මෙම ස්ථානය “පෙරිය උල්ලේ“ නමැති මුස්ලිම් වරුන් බහුතරයක් පදිංචි වී සිටින කුඩා ගම්මානය හි පිහිට ඇත.
  4. මුස්ලිම්වරුන්ට අයත් “තරම්පරයි ” නමැති වී ගොවිපල පිහිටි ඉඩමද පුරාවස්තු පරීක්ෂණ යන්නෙන් සංඛේතවත් කර ඇත.
  5. පොතුවිලට  යාබදව පිහිටි “සෙන්ගමමි අසිස් නගර් ” නමැති ප්‍රදේශය පුරාවස්තු පරීක්ෂණ නමින් සංඛේතවත් කර ඇත.සිංහල සහෝදරයෙකු හෝ සිංහල පවුලක් පදිංචි නොවී සිටින්නාවූ ද ,ඉහත සදහන් ප්‍රදේශ වල සැලසුම් සහගත අරමුණකින් යුතුව කරනු ලබන මෙම ක්‍රියාව හේතු කොට ගෙන පොතුවිල් නගරය පුරාම බුදු පිළිම ඉදි කර තිබේ.

බෞද්ධ විහාර

  1. පොතුවිල් -පානම ප්‍රධාන විදියේ ශාන්තිවේලි නමැති ප්‍රදේශයේ විශේෂ හමුදා බලකායේ කදවුර පිහිටි හන්දියේ “චාශ්‍ර වේලි විහාරය” යන්නෙන් සිංහල බසින් නාම පුවරුවක් තබා ඇත.මෙවැනි විහාරයක් ගල් කන්දෙහි පිහිට තිබීම මෙහි ජිවත් වන කිසිවෙක් මෙතෙක් නොදන්නා අතර, ඇතැම් බෞද්ධ පිරිස් පමණක් ඒ පිළිබද දැන සිටීම පුදුම සහගත කතාවකි.
  2. බහුතර මුස්ලිම් වරු පදිංචිව සිටින “සින්න උල්ලේ” ගම්මානයේ කෝඒසැක “සිංහපුර” බවට වෙනස් කර ඇත.එහි දැන් රජයේ පසලට් සිංහපුර සිංහල විදුහල යන අලුත් නාම යොදා තිබේ. ඒ සමගම එහි දහම් පාසලක්ද ඉදි කර ඇත.එම ප්‍රදේශයේ සිංහල -දෙමල ශිෂයින් 100 අඩු ප්‍රමාණයක් ඉගෙනුම ලබයි.මෙම පාසැල පිහිටි ප්‍රධාන විදියේ සමුධ්‍රාගිරි විහාරය යන සිංහල නාම පුවරුවක්ද තබා ඇත.
  1. ඉහත සදහන් “සින්න උල්ලේ” ගම්මානයේ මහා මාර්ග සංවර්ධන අධිකාරියට අයත් බිම් පෙදෙසෙහි සුනාමියට පසුව පොතුවිල් ප්‍රාදේශීය සභාවේ හෝ මහා මාර්ග සංවර්ධන අධිකාරියෙන් හෝ අනුමැතිය නොලැබ , සුනාමි ඛේදවචකයට් භාජනය වූ අයට් උදව කිරීමට පැමිණි ඇතැම් පිරිස් රජයේ හමුදාවේ පුර්ණ සහයෝගය හා ආරක්ෂාවෙන් යුතුව් ,සුනාමියට ගොදුරු වූ අය වෙනුවෙන් “සිහිවටනායක” ඉදිකිරීමේ නාමයෙන් මධ්‍යම රාත්‍රී  කාලයේ  බුදු පිළිම 4 ක් තබා ඇත.”අපි ආධාර ලබා දෙන්න අවා.ඔයාලගේ නාම ලියල අත්සන් දල දෙන්න ” යැයි පවසමින් අත්සන් ව්‍යාපාරයක්ද ,එම ප්‍රදේශයේ කෙරුණි.මෙම අත්සන් ව්‍යාපාරය කරනු ලැබුවේ “සින්න උල්ලේ ගමෙහි බුදු පිළිම තබන්නට මුස්ලිම් වරු වන අපෙන් ප්‍රතික්ෂේපයක් නොමැත.” යනුවෙන්  සකස් කරනු ලැබූ ලිපියටයි.දැන් එම ස්ථාන වල රජයේ ආරක්ෂක භටයින් විසින් දිවා රැ ආරක්ෂා කරනු ලබයි.
  1. පොතුවිල්-අරුගම්බේ ප්‍රධාන විදියේ විශේෂ බලකාය පිහිටි අරුගම්බේ පාලම අසල දැවැන්ත බුදු පිළිමයක් ඉදි කර ඇත.එය රුපියල් ලක්ෂ 80 වටිනා වුද , තායිලන්තයෙන්  ගෙන්වනු ලැබුවා වුද, තබ වලින් නිම කරනු ලැබුවා වුද,සුවිශල් ප්‍රතිමාවකි.මෙම විශාල බුද්ධ පිළිමයට වැදුම් කරන්නට ඒ ප්‍රදේශයේ සිටින විශේෂ බලකාය හැරෙන්න කිසිම බෞද්ධයෙකු ඒ ප්‍රදේශයේ නැත.එකම සිංහල පවුලක් වත් ඒ ප්‍රදේශයේ පදිංචිව නැත.ඊට අමතරව එම ප්‍රදේශයේ “බෞද්ධ සම පුජනිය පෙදෙස ” යන්නෙන් භාෂා තුනෙන්ම ලියන ලද නාම පුවරුවක් තබා  ඇත.

මෙම අරුගම්බේ කලපු ප්‍රදේශය මස්ලිම් වරුන් මාළු  මෙන්ම ,ඉස්සන් ඇල්ලීම දිගු කාලයක් තිස්සේ කරගෙන යයි.සුනාමියෙන් පසුව අරුගම්බේ කලපුවේ මාළු අල්ලන ප්‍රදේශ වටා කණු සිටවා  කම්බි වලින් වැටක් බැද වසා තබා ඇත.ඒ අතර වැටෙ මායිම තුල බෞද්ධ විහාරයක් ඉදිකිරිම සදහා අන්තිවාරමක්  දමා ඇත.

ඒ වන තෙක් බුදු පිළිම තනමින්,විහාර ඉදිකරමින් තිබුනද,මුස්ලිම් වරු විරෝධතාවයක් දැක් වුයේ නැත.

නමුත්,දැවැන්ත බුදු පිලිමයකුත් තබා ,මුස්ලිම් වරුන් මාළු අල්ලන්නට  යෑම තහනම් කරමින් ධිවරයින්ට තම තම රක්ෂාව නැති කරමින් වැටක්  දැමීමෙන් පසුවයි මුස්ලිම් වරු ඊට විරුද්ධව නැගී සිටින්නට උත්සුක වුහ.

එහි ප්‍රතිපලයක් වශයෙන් 2005.04.06 වන බදාදා පොදු ජනතාව හා ප්‍රදේශයේ විද්වත්හු එකතු වුහ.නගරයේ කඩවල් සියල්ල වසා දමා ,පාසැල් ශිෂයින් පාසැල් වර්ජනය කළහ.විශේෂයෙන් ප්‍රාදේශීය ලේඛම් කාර්යාලය ,බැංකු,හා අනෙකුත් ආයතන වසන ලදී.ප්‍රදේශ වසින් සියලු දෙනාම පොතුවිල් ප්‍රාදේශීය ලේඛම් කාර්යාලය දක්වා පෙළපාලියකින් ගිය අතර ,එම පෙළපාලියට හිටපු පොලිස් ස්ථානාධිපති වුද,හිටපු පාර්ලිමේන්තු මන්ත්‍රී වුද, එම් .එම් .අබ්දුල් මජීඩ් මහතා නායකත්වය දැරුහ.

ප්‍රාදේශීය ලේඛම් කාර්යාලයට ගිය ජනතාව ඉහත කරුණු පිළිබද රජය ඉතා ඉක්මනින් තීරණයක්‌ ගෙන,අවශ්‍ය කටයුතු වලදී සුනාමියෙන් පසුව කටු කම්බි වැටද ඉවත් කර තම සුපුරුදු රක්ෂාව කරගෙන යමට් ඉවත් කරන ලෙස ඉල්ලා සිටියහ.එමෙන්ම භාෂා තුනෙන් වාර්තාවක් ලියා ජනතිපතිවරයා වෙත යවන ලෙස ප්‍රාදේශීය ලේඛම් නවුෆල් මහතාට භාර දෙන ලදී.

මෙම පෙළපාලිය ඉතා සාමකාමී එකක් වූ අතර ඉහත සදහන් කරුණු භාෂා තුනෙන්ම පොස්ට්ර් මගින් හුව දක්වනු ලැබිණි.මෙම පෙළපාලියේ ද්වේශ සහගත ගෝෂා නොතිබිණි,වාර්තාව ප්‍රාදේශීය ලේඛම් තුමට්‌ භාරදුන් පසු මහජනතාව තම තමන්ගේ නිවෙස් කරා විසිර හියහ.

පසුදින එනම්, 2005.04.07 දින බ්‍රහස්පතින්දා රාත්‍රී 8.30 පමණ පොතුවිල් බස නැවතුම අසල  විනාඩි 5 ක් ඇතුලත බෝම්බ දෙකක් පිපිරිණි.සැලසුම් සහගතව සිටි පොලිසියද,විශේෂ හමුදා බලකායද,,පොලු,සයිකල් චෙන්,කම්බි හා තුවක්කුද රැගෙන වහාම එතනට පැමිණ එහි සිටි මුස්ලිම් වරුන්ට් පන්න පන්නා පහර දෙන්නට් පටන් ගත්හ.එහි ප්‍රතිපලයක් වශයෙන් මුස්ලිම් වරුන් 48 දෙනෙකු තුවාල ලැබුහ.ප්‍රධාන පාර දිගේ ජීප් රථ වලින් පැමිණි ආරක්ෂක භටයින් මහජනතාව පන්නමින් සිටි නිසා තුවාල ලැබුවන්ටරෝහල් කරා යාමට නොහැකි තත්වයක් ඇති වුනි,එබැවින් මේ පිලිබදව පොලිසියට් ගොස පැමිණිලි කරන්නට තුවාල කරුවන් මාලි වුහ.

පොතුවිල් බස නැවතුම්පොළ පසුපසින්ද,පොලිස් ස්ථානයට් පසු පසින්ද,බෞද්ධ විහාර ඇති බව සදහන් කල යුතුය.

මෙම සිදුවීම වසර 5 කට පෙර සිදු වුවකි.දන මෙය දඩමීමා කරගෙන කරුණු විකෘති කරමින්, මුස්ලිම් වරු නැගෙනහිර ආක්‍රමණය කරන බවත්,බෞද්ධ විහාර විනාශ කරන බවත් අන්තර්ජාලය හරහාද  පදනම විරහිත චෝදනා ගොඩනගමින් පවතී.

ඇත්තෙන්ම බෞද්ධ විහාර ගොඩනැගීම ගැන විරොදයක් නැත.ඉහත කරුණු කියවූ ඔබට‍ ඉඩම් ආක්‍රමණය කරන්නේ කවුදැයි පැහැදිලි වනු ඇත. නමුත්  ජන ජීවිතය අඩාල වන පරිදි ධිවර ජිවනොත්පය කරගෙන යාමට නොදී කණු  දමා මසුන් ඇල්ලීම තහනම් කිරීම අනුමත කල හැකිද?

එපමණක් නොව, අරුගම්බේ මුහුදු වෙරළ තිරයේ තැනින් තැන නටබුන් මතු වී ඇත.පුරා වස්තු රැක ගැනීම කාලින අවශ්‍යතත්වයකි.නමුත් එය අසධාරණ ලෙස සිදු වීමද අනුමත කල නොහැකි දෙයකි.ඊට අමතරව ,අරුගම්බේ වෙරළ තිරයේ දැනට් සංවර්ධන කටයුතු සිදු සිදුවෙමින් පවතී.ඉදිරි කාලයේ සංචාරක ව්‍යාපාරය වර්ධනය කිරීමේ අරමුණින් වෙරළ  තිරය සංවර්ධනය කෙරේ.මේ හේතුවෙන් පවතින පුරාවස්තු රැක ගැනීම අසීරු වනු ඇත.පවතින වෙහෙර  විහාර වල පවතින  පුරා වස්තු විනාශ වෙමින්, නිදන් හැරීම නිතරම දකින්නට් ලැබෙන වීට,ඒ සදහා පන්සලේම හිමි වරුන් විසින් දායක වන විට , මුස්ලිම් වරුන් පුරා වස්තු විනාශ කරන බව චෝදනා  කිරීම මොනතරම් විහිලුවක්ද ?

Read Full Post | Make a Comment ( 6 so far )

දේව රාජ්‍යයේ වර්ධනය – මිෂනාරි කටයුතුවල ප්‍රධානත්වය ගත්තේ ඇමරිකානු එක්සත් ජනපදයයි.

Posted on June 30, 2011. Filed under: Uncategorized | Tags: , , , , , , , , , , , , , , , , , , , , , , , , , , , , , |

ශුභාරංචි පනිවිඩය ලක් ජනතාවගෙන වැඩි කොටසකට මෙතෙක් පිළි ගත නොහැකිවූයේ එය මෙරට සංස්කෘතික ලක්ෂනවලට එකඟ නොවන පරිදි ඉදිරි පත් කරන ලද නිසාය” මෙම අදහස නිවැරදි නොවේ.


උදා: වශයෙන් බෞද්ධ ධර්ම දූතයන් මෙරටට පැමිනි ආකාරය දැක්විය හැක.භික්ෂූන් හිස බූගා තිබින.කහ පැහැයෙන් යුතු සිවුරු පොරවා ගෙන සිටියහ.අද දිනය දක්වාම මෙරට භික්ෂූන් හිස බූගෑමත්, කහ සිවුරු පෙරවීමත් කරනු ලැබේ.මෙයින් පෙනී යන්නේ ඒවා විදේශීය ලක්ෂන වූවත් බෞද්ධ ධර්මය පිලි ගැනීමට එය බාධාවක් නොවූ බවය.
එහෙයින් මෙරට තුල ක්‍රිස්තියානි ධර්මය පැතිරීමට බධාවක් වී ඇත්තේ එහි නමස්කාර ක්‍රම,ගොඩනැගිලි,සංගීතය,ඇඳුම් පැළඳුම් වැනි දෑ අපර දිග ස්වරූපයක් ගන්නා නිසාය යන මතය සාවධ්‍යය.

බී2ජේ මෙහෙයුමේදී ගොඩනැඟිලි සෑදීම කෙරෙහි කිසිම අවධානයක් යොමු කරනු නොලැබේ.මන්ද යත් ක්‍රිස්තුස් සමිඳුන් කිතුනු සංඝයේ ප්‍රධාන ගොඩනැඟිල්ල බැවිනි.
ගොඩනැඟිල්ලක්තුල සිදු කෙරෙන සාමුහික දැනුවත් කිරීමට වඩා පුද්ගලයාගෙන් පුද්ගලයාට කෙරෙන ශුභාරංචි ප්‍රකාශය මඟින් වඩාත් හොඳින් ශුභාරංචිය ප්‍රකාශ කිරීමට හැකි වනවා මෙන්ම රහසිගත භාවය රැකීමද සිදුවෙයි, ‘විරෝධතාකරුවන්ගෙන් ‘ ඇතිවන විවිධ බාධාවන්ද ඇති නොවේ.

(11) B2J මෙහෙයුමේ මිෂනාරිවරුන් ශුභාරංචිය රැගෙන චීනයෙන් පිට වන්නේ විවිධ සිවිල් වෘත්තිකයන්ගේ විලාශයෙනි.එහෙයින් ඉලක්ක කරන ලද බෞද්ධ හා ඉස්ලාම් ආගමීකයන් වෙතට ආබාධිතව යාහැකිය.ඔවුන් කාර්යාලයේදී,බසයේදී,මඟ තොටදී, 
ආගන්තුකයන් සමඟ ශුභාරංචි පනිවිඩය බෙදා ගනිති.මෙම ක්‍රමය ලංකාවේද ප්‍රායෝග්‍ය කල හැක.

කොරියාවේ මිෂනාරි කටයුතුවල ප්‍රධානත්වය ගත්තේ ඇමරිකානු එක්සත් ජනපදයයි.තවද ජපාන හා චීන මිෂන් කෙත් වලට දිඟුවක් ලෙසින් කොරියාව සැලකුන අතර ප්‍රමුඛස්ථානයටද පැමිනියේය.ප්‍රතමයෙන් ‘The Board of Foreign Mission of the Presbyterian church ද, Foreign Missionary Society of the Methodist Episcopal church in the United States ද එවැන්ජලිස්ත කාර්යයන්ට මුල පිරූහ.
වර්තමාන දකුනු කොරියාවේ ජනගහනය මිලියන් 45 ක් වන අතර ප්‍රොතෙස්තන්ත කිතුනුවන් මිලියන 11 ක්ද රෝමානු කතෝලිකයින් මිලියන 03 ක්ද සිටිති.එනම් ජනගහනයෙන් 1/3 ක් කිතුනුවෝ වෙති.1994 වන විට දේවස්ථාන 35,000 ක්ද,දේව සේවකයන් 50,000 ක්ද සිටියහ.
කොරියානු කිතුනු දහමෙහි විශේෂත්වය වන්නේ පිටතින් පැමිනි මිෂනාරිස්වරුන් විසින් නොව කොරියානුවන් විසින්ම කිතු දහම එරටේ ස්ථාපනය කිරීමයි

කොරියානුවෝජපානය,තායිවානය,බොලීවියාව,පාකිස්තානය හා ශ්‍රී ලංකාව වැනි රටවලටද මිෂනාරිස්වරුන් යැවූහ. 
කොරියානු සභාවේ විශේෂ ලක්ෂනයක් නම් සමහර දේවස්ථානවල පැවැත්වෙන දේව මෙහෙයන් සඳහා අති විශාල ගෝල සමූහයක් සහභාගි වීමයි.උදාහාරනයක් ලෙස ලොව විශාලම ගෝල සමූහයා desciples අයත් වන සභාව වන්නේ සෝල් හී The central Gospel (Pentacostal ) church in seoul කිතුනු සංඝයයි. මෙම කිතුනු සංඝයේ සාමාජිකත්වය 500,000 වන අතර දේව සේවක මංඩලය සිය ගණනකි.

චීනයේ රජයේ අනුමත කිතුනු සභා වලට පරිබාහිරව නිවෙස් තුල පිහිටුවා ගෙන ඇති house church තුල අති විශාල ධර්ම දූත වර්ධනයක් දක්නට ලැබේ.චීනයේ දිනකට පුද්ගලයන් 35,000ක් බෞතීස්මය ලබා කිතුනු ගෝල සමූහයාට එකතු කරනු ලබයි.මේ අනුව වසරකට පුද්ගලයන් මිලියන 12ක් කිතුනු ගෝල සමූහයාට එක් වෙයි.මෙම වර්ධන වේගය ලොව සියලුම රටවල් අභිබවා සිටී. පීටර් ශු Peter Xu නමැති එවැන්ජලිස්තවරයා Born Again Movement ඇරඹීය.සිය ව්‍යාපාරයට ගෝල සමූහයන් (කන්ග්‍රේෂන් ) 3500 ඇති බව ඔහු පවසයි .චීනයේ ප්‍රාන්ත 20 කට මිෂනාරිවරුන් යවා ඇති බව ඔහු වැඩි දුරටත් සඳහන් කරයි.

වසර 50කට පෙර නේපාලයේ කිතුනුවන් සිටියේ ස්වල්ප දෙනෙකි.එහෙත් එරට රාජකීය පාලනය අහෝසිකොට වර්තමාන ප්‍රජාතන්ත්‍රවාදි පාලනය ස්ථාපිත කිරීමෙන් පසුව ආගමීක නිදහස සහතික කිරීම නිසා කිතුනු ප්‍රජාව ශීඝ්‍රයෙන් වර්ධනය වෙයි.වර්තමාන නේපාලයේ කිතුනු ගෝල සමූහයා මිලියන 01ක් පමන වෙයි. 

2007 දී දේශපාලන ප්‍රතිසංස්කරන අරමුනු කොට ගෙන පැවති විරෝධතා හමුදා රජය විසින් මර්ධනය කෙරින.විරෝධතා කරුවන් 31-200 අතර ගනනක් මිය යන්නට ඇතැයි වාර්තා වේ.එම විරෝධතා ප්‍රධාන වශයෙන්ම මෙහෙයවන ලද්දේ බෞද්ධ භික්ෂුන් විසිනි.එරටේ ජීවත්වන විවිධ ජන වාර්ගීකයන්ට එරෙහිව රජය මඟින් ගෙනයන මර්ධනකාරි ක්‍රියා ගැන කලකිරී සිටින සමහර භික්ෂූන් ක්‍රිස්තියානිය වැලඳ ගත් බව වාර්තා වී ඇත.කාරේන් වාර්ගික කිතුනුවන් රටින් පලවා හැර ඇත.
එරට ජනගහනයෙන් 89.4 %ක් බෞද්ධ ද,4.9 %ක් කිතුනුවන්ද වෙයි .බුරුමයේ ප්‍රථම මිෂනාරිවරයාවූයේ ඇඩොනිරම් ජඩ්සන් නැමැති බැප්ටිස්ට් මිෂනාරිවරයාය.
වාර්ෂිකව කිතුනුවන්ගේ වර්ධන වේගය 3%කි.

මෙරට තුල ආගමික නිදහස ව්‍යවස්ථාවෙන් සහතික කර ඇත.එහෙත් පසු ගිය දසක 03-04 ක කාල සීමාව තුල කිතුනු සභා දේවස්ථාන 200 කට වැඩියෙන් ආගමීක අන්ත වාදින්ගෙන් ප්‍රහාර එල්ල වී ඇත.දේව සේවකයන්ට හිංසා පීඩා කිරීම ගැනද වරින් වර අසන්නට ලැබේ.මෑතකදී කොලඹ නගරයට ආසන්නව කොස්වත්ත නගරයෙහි පිහිටි කිතුනු දේවස්ථානයකට ප්‍රහාර එල්ල විය.

ඉදිරි දශකයේ මිෂනාරිවරුන් නොකිතුනු ජනතාව වෙත යැවීමේ ප්‍රමුඛයා වන්නේ චීනයයි. Back to Jerusalem movement (B2J)

දේව රාජ්‍යයේ වර්ධනය ????????????????????????????

Read Full Post | Make a Comment ( None so far )

Liked it here?
Why not try sites on the blogroll...